ދިވެހިންގެ ހިތްތަކުގައި އިސްލާމީ އަގީދާ އާލާވިޔަ ނުދިނުމަށްޓަކައި ބަޔަކު މަސައްކަތްކުރާ ކަމަށް ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
އެމަނިކުފާނު މިހެން ވިދާޅުވީ އައްޝައިޚް ހުސައިން ރަޝީދު އަހްމަދުގެ "ޞަޙީޙް މުސްލިމްގެ ދިވެހި ތަރުޖަމާ އާއި ޝަރަހަ"ގެ ދިހަވަނަ ބައި ނެރެދެއްވުމަށް މިރޭ އިސްކަންދަރު ސްކޫލުގައި އޮތް ރަސްމިއްޔާތުގައި ވާހަކަފުޅު ދައްކަވަމުންނެވެ.
ރައީސް ނަޝީދު ވިދާޅުވީ ދީނީ ކަންކަމަކީ ރައްޔިތުންގެ މަޖިލީހުން ބަހުސްކޮށްގެން ގޮތެއް ނިންމިދާނެ ކަންތައްތައް ކަމުގައި ދެކެވަޑައި ނުގަންނަވާ ކަމަށާއި އެއީ މަޖިލީހުގައި ކުރަން އޮންނަ މަސައްކަތެއްވެސް ނޫންކަމަށެވެ.
އެމަނިކުފާނު ވިދާޅުވީ ދިވެހިރާއްޖެއަކީ ސައްތައިން ސައްތަ މުސްލިމް ގައުމަކަށް ވީހިނދު، މި ފަސްގަނޑުގައި ދިވެހިންގެ ހިތްތަކުގައި އިސްލާމީ އަގީދާ އާލާވިޔަނުދޭން މަސައްކަތް ކުރާ ބަޔަކު އުޅޭކަން ގަބޫލުކުރަންޖެހޭކަމަށެވެ. އަދި އެފަދަ އަމަލުތަކަކީވެސް ހައްދުފަހަނައަޅައި ދިއުންކަމުގައި ގަބޫލުކުރަންޖެހޭކަމަށް ރައީސް ނަޝީދު ވިދާޅުވިއެވެ.
މިރޭގެ ވާހަަކަފުޅުގައި އެބޭފުޅާ ވަނީ މުޖުތަމައުގައި ހަމަޖެހިގެން އުޅުމަށް މަގު ދައްކައިދެނީ އިސްލާމްދީންކަމަށް ވިދާޅުވެ، އެޖެންޑާ19ގެ މަގުސަދުތައްވެސް ހާސިލްކުރެވޭނީ އިސްލާމީ އަސާސްތަކުގައި ހިފައިގެންކަމަށް ވިދާޅުވެފައެވެ.
ފޮޓޯ: ސަން
Advertisement
This content is created and paid for by advertisers and does not involve Voice Journalists
