ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދަކީ ލާދީނީ ބޭފުޅެއް ނޫންކަމަށް، އެމަނިކުފާނު ވިދާޅުވެއްޖެއެވެ.
ރައީސް ނަޝީދު މިހެން ވިދާޅުވީ އެމްޑީޕީގެ އާންމު މެންބަރުންނާއި މިރޭ ބައްދަލުކުރައްވާ ދެއްކެވި ވާހަކަފުޅުގައެވެ.
އެމަނިކުފާނު ވިދާޅުވީ އެމަނިކުފާނަކީ ލާދީނީ މީހެއް ނޫންކަމަށާއި އެފަދައިން މުޚާތަބުނުކުރެވޭނެކަމަށެވެ. އަދި އެމްޑީޕީގެ މެންބަރުންނާއި އެޕާޓީއަކީވެސް ލާދީނީ ބަޔެއްކަމަށް އެއްވެސް ފަރާތަކުން ގަބޫލުކޮށްގެން ނުވާނެކަމަށް ރައީސް ނަޝީދު ވަނީ ވިދާޅުވެފައެވެ.
ރައީސް ނަޝީދު ވިދާޅުވީ އެމްޑީޕީގެ މެންބަރުންނާއި އެއްވަރަށް ނަމާދަށް އަރާ، ޒަކާތްދީ، ރޯދަ ހިފާ އަދި ހެޔޮލަފާ ނަސޭހަތްދޭ ބަޔަކު މި ރާާއްޖޭގައި ވަކި ނޫޅޭނެކަމަށެވެ. އަދި އެބޭފުޅުންނާއި ވާދައަށް އެހެން ފަރާތްތަކުން ދައްކަމުންދާ ވާހަކަތަކަށް އަޅާނުލުމަށް ރައީސް ނަޝީދު ވަނީ އެދިފައެވެ.
މި ބައްދަލުވުމުގައި ވާހަކަފުޅު ދައްކަަވަމުން ރައީސް ނަޝީދު ވަނީ އެމްޑީޕީގެ ރައީސްކަމުގެ ދެވަނަ ދައުރަކަށް އެބޭފުޅާއަށް ވޯޓުދެއްވުމަށް އެންމެހާ މެންބަރުންގެ ކިބައިން އެދިލައްވާފައެވެ.
Advertisement
This content is created and paid for by advertisers and does not involve Voice Journalists
