އެމްޑީޕީގެ އާ ދާއިރާ ރައީސުން: އިއާދު އަދި ސައިފް ފާތިހު
އިއްޔެ ބޭއްވުނު އެމްޑީޕީގެ ދާާއިރާތަކުގެ އިންތިޚާބުގައި ދެ ދާއިރާއެއްގެ ރައީސުން ހޮވައިފިއެވެ.
އިއްޔެ ހޮވާފައިވަނީ މާލެ ސިޓީގެ ހެންވޭރު ހުޅަނގު ދާއިރާގެ ރައީސްގެ މަގާމާއި މައްޗަންގޯޅި އުތުރު ދާއިރާގެ ރައީސެވެ.
އެގޮތުން ހެންވޭރު ހުޅަނގު ދާއިރާގެ ރައީސްކަމަށް މުހައްމަދު ސައިފް ފާތިހު ހޮވިފައިވަނީ 48 ވޯޓުންނެވެ. އޭނާއާއި ދެކޮޅަށް ވާދަކުރި މުހައްމަދު ޝަރީފަށް ލިބިފައިވަނީ 37ވޯޓެވެ.
މައްޗަންގޯޅި އުތުރު ދާއިރާގެ ތަފްސީލަށް ބަލާލާއިރު، އެ ދާއިރާ ކާމިޔާބުކޮށްފައިވަނީ ހަސަން އިއާދު ސަލީމެވެ. އޭނާއަށް 112ވޯޓު ލިބުނުއިރު، އޭނާއާއި ވާދަކުރި ޚަދީޖާ ރީޝާއަށް ލިބިފައިވަނީ 86ވޯޓެވެ.
އިންތިޚާބު ކާމިޔާބުކުރި ދެފަރާތަކީވެސް އެމްޑީީޕީގެ ހަރަކާތްތަކުގައި ހަރަކާތްތެރިވާ ފަރާތްތަކެއްކަން ފާހަގަކޮށްލެވެއެވެ.
މީގެ އިތުރުން އިއްޔެގެ އިންތިޚާބުގައި ވަނީ މައްޗަންގޯޅި ދެކުުނު ދާއިރާާގެ ރައީސްކަމަށް އިސްމާއިލް އާތިފް، ގުރައިދޫ ދާއިރާގެ ނައިބު ރައީސްކަމަށް އިބްރާހިމް ޝާޒް އަދި އެދާއިރާގެ ސެކްރެޓަރީކަމަށް އިބްރާހިމް އިރުޝާދު ހޮވާފައެވެ.
Advertisement
This content is created and paid for by advertisers and does not involve Voice Journalists