މިއަދު ފާހަގަކުރެވެމުންދާ ނަޞްެރުގެ ދުވަހުގެ ބަތަލުކަމުގައިވާ ޝަހީދު ކޯޕްރަލް ހުސައިން އާދަމް ޝަހީދުވެގެންދިޔަ އިރު، ސިފައިން ތިބީ ރޯންކަމަށް އެމްޑީއެންގެ އެގްޒެކެޓިވް ޑިރެކްޓަރ ޝަހިންދާ އިސްމާއިލް ބުނެފިއެވެ.
ޝަހިންދާ މިފަދައިން ބުނެފައިވަނީ ނަޞްރުގެ ދުވަހާއި ގުޅިގެން އެމްއެންޑީއެފްއިން ބޭއްވި ހަރަކާތާއި ގުޅިގެން ސިފައިން ކުރި ޓްވީޓަކަށް ރައްދުދެމުންނެވެ.
އޭނާ ވަނީ އެފަރާތްތަކުން ގެނައީ ކޮން ނަސްރެއްގެ ވާހަކަތޯ ސުވާލުކޮށް، އެއީ ދޮންނަ މެޝިނުގެ ދުވަހުގެ ވާހަކަތޯ އަހާފައެވެ.
"19 އިންސާނުން ރަހީނުކޮށް ބޯޓަކަށް އަރުވައިގެން އަރުވައިގެން ގެންދިޔައިރު، ޝަހީދު ހުސައިން އާދަމް ގަޔަށް ބަޑިޖަހާ މަރާލިއިރު، ފާރުބުޑުގަ ރޯންތިބީ" ޝަހިންދާގެ ޓްވީޓްގައި އޭނާ ބުންޏެވެ.
ޝަހިންދާގެ މި ވާހަކަތަކާއި ގުޅިގެން އޭނާއަށް ވަނީ ބޮޑެތި ފާޑުކިޔުންތައް އަމާޒުވެފައެވެ. ފުލުހުން ވަނީ އޭނާ އިސްވެ އެމްޑީއެންއިން ނެރުނު ރިޕޯޓެއްގައި ދީނަށް ފުރައްސާރަކޮށްފައިވާކަމަށްބުނެ، އެ މައްސަލައިގެ ތަހުގީގަށް ހާޒިރުވުމަށް އެދި އޭނާއަށް ޗިޓުވެސް ފޮނުވާފައެވެ.
Advertisement
This content is created and paid for by advertisers and does not involve Voice Journalists
