އަނެއްކާވެސް ޖޭޕީގެ ލީޑަރ ކަމަށް ގާސިމް އިބްރާހިމް

29 Oct 2018 | 10:16

ޖުމްހޫރީ ޕާޓީގެ ފައުންޑާ ގާސިމް އިބްރާހީމް އަނެއްކަވެސް އެ ޕާޓީގެ ލީޑަރުކަމުގެ މަގާމަށް ހޮވިއްޖެއެވެ.

ގާސިމް ރޭ އެޕާޓީގެ ލީޑަރުކަމަށް އައްޔަނު ކޮށްފައިވަނީ އެ ޕާޓީގެ 61 މެންބަރުން ހާޒިރުވެ ވަޑައިގެންނެވި 124 ވަނަ ކައުންސިލް ބައްދަލުވުމުގައި ނެގި ސިއްރު ވޯޓަކުން ހުރިހާ މެންބަރުންގެ އިއްތިފާގުންނެވެ.

ގާސިމް ވަނީ މީގެ ކުރިންވެސް ޖޭޕީގެ ލީޑަރު ކަން ކުރައްވާފައެވެ. ނަމަވެސް ރައްޔިތުންގެ މަޖިލީހުގެ މެންބަރުންނަށް ރިޝްވަތު ހުށަހެޅުއްވި ކަމުގެ ތުހުމަތުގައި، ދައުލަތުން ގާސިމްގެ މައްޗަށް އުފުލި ރިޝްވަތު ހުށަހެޅުމުގެ ދައުވާ ސާބިތުވެގެން 3 އަހަރާއި 2 މަހާއި 12 ދުވަހުގެ ޖަލުހުކުމެއް އައުމުން ގާސިމް އަށް ވަނީ ޖޭޕީގެ ލީޑަރުކަން ގެއްލިފައެވެ.

ޖޭޕީގެ ލީޑަރ ކަމަށް މީހަކު އައްޔަނު ނުކުރަން އޭރު އެ ޕާޓީގެ ކޮންގްރެސުން ނިންމި ނަމަވެސް ނިމިދިޔަ ހަފްތާތެރޭގައި ގާސިމްގެ ޖަލުހުކުމް ހައިކޯޓުންވަނީ ބާތިލްކުރުމާއެކު ޖޭޕީން ވަނީ އެ ޕާޓީގެ ލީޑަރުކަމުގެ މަގާމަށް ކުރިމަތިލުމުގެ ފުރުސަތު ހުޅުވާލައިފައެވެ.

އަދި އެޕާޓީއިން މައުލޫމާތުދެއްވާގޮތުގައި މި މަގާމަށް ކުރިމަތި ލުމުގެ މުއްދަތު ހަމަވިއިރު ކުރިމަތި ލެއްވީ ހަމައެކަނި ގާސިމް އިބްރާހީމެވެ.

Advertisement

ކޮމެންޓް