ހޮނިހިރު ދުވަހު އޮތް ޕީއެންސީގެ އެތެރޭގެ އިންތިހާބުގައި ވޯޓްގެ ކަންކަން ކުރިއަށް ދަނިކޮށް ބަޔަކު ވަދެގަނެ ހަމަނުޖެހުން ހިންގި މައްސަލާގައި އިތުރު މީހަކު ހައްޔަރު ކޮށްފި އެވެ.
ހުޅުމާލެ އުތުރު ދާއިރާގެ ވޯޓު ފޮށި ބެހެއްޓި ކާމިލު ދީދީ ސްކޫލުގައި ވޯޓް ގުނުން ކުރިއަށް ދަނިކޮށް ގުރޫޕަކުން ވަނީ އެ ސުކޫލަށް ވަދެ ހަމަނުޖެހުން އުފައްދާފަ އެވެ. އަދި އެތަނުގައި ހުރި ގޮނޑިތައް އުކާ ގެއްލުން ވެސް ދިނެވެ.
އެއީ ވޯޓްގެ ކަންކަމާ ހިތްހަމަނުޖެހިގެން ބަޔަކު ކުރި ކަމެއް ބުނެ އެވެ.
އެ މައްސަލައާ ގުޅިގެން ފުލުހުން ވަނީ ތަހުގީގެއް ފަށާފަ އެވެ. އަދި ރޭ ފުލުހުން ބުނީ މި މައްސަލައިގެ ތުހުމަތުގައި ކޯޓު އަމުރެއްގެ ދަށުން ރޭގެ ވަގުތެއްގައި ދެ މީހަކު ހައްޔަރުކޮށްފައިވާ ކަމަށެވެ.
ހައްޔަރުކޮށްފައި ވަނީ އުމުރުން 23 އަހަރާއި 24 އަހަރުގެ ދިވެހި ދެ ފިރިހެނުންނެވެ.
އަދި މިއަދު ބުނީ، މި މައްސަލައިގެ ތުހުމަތުގައި، ރޭގެ ވަގުތެއްގައި ކޯޓު އަމުރެއްގެ ދަށުން އިތުރު މީހަކު ހައްޔަރުކޮށްފައިވާ ކަމަށެވެ. އެއީ 24 އަހަރުގެ ދިވެހި ފިރިހެނެކެވެ.
މި މަސައްލައާ ގުޅިގެން މިހާތަނަށް ޖުމުލަ 3 މީހުން ހައްޔަރުކޮށްފައިވެއެވެ.
މި މައްސަލަ ފުލުހުން ގެންދަނީ ތަހުގީގު ކުރަމުން ކަމަށް ވެސް ބުންޏެވެ.
Advertisement
This content is created and paid for by advertisers and does not involve Voice Journalists
