ސްރީލަންކާގެ ބޮޑުވަޒީރުކަމުގެ މަގާމުން ރަނިލް އިސްތިއުފާދެއްވައިފި

20 Nov 2019 | 15:53

ސްރީލަންކާގެ ބޮޑުވަޒީރުކަމުގެ މަގާމުން ޔުނައިޓެޑް ނޭޝަނަލް ޕާޓީގެ ލީޑަރ ރަނިލް ވިކްެރަމަސިންހަ އިސްތިއުފާދެއްވައިފިއެވެ.

ރަނިލް މި މަގާމުން އިސްތިއުފާ ދެއްވިކަން ހާމަކުރައްވާފައިވަނީ މިއަދު ނެރުއްވި ބަޔާނެއްގައެވެ.

ނިމިދިޔަ ހޮނިހިރު ދުވަހު އޮތް ސްރީލަންކާާގެ ރިޔާސީ އިންތިޚާބުގައި އިދިކޮޅު އެސްއެލްޕީޕީގެ ކެނޑިޑޭޓް ގޯޓާބަޔަ ރާޖަޕަކްސަ އިންތިޚާބުވުމާއި އެކު، ބޮޑުވަޒީރުކަމުގެ މަގާމުން ރަނިލް ވަކިވެވަޑައިގަންނަވާނެކަމުގެ އަޑުވަނީ ގަދަވެފައެވެ. މި މަގާމުން ރަނިލް ވަކިވެ ވަޑައިގަތުމާއި އެކު އަންނަ އަހަރުގެ މާޗް މަހުގައި އެގައުމުގެ ގާނޫނު ހަދާ މަޖިލީހުގެ އިންތިޚާބު ބޭއްވެންދެން އޮންނާނީ ވަގުތީ ބޮޑުވަޒީރަކާއި އޭނާގެ ކެބިނެޓެކެވެ.

ބެލެވޭ ގޮތުގައި މި މަގާމަށް ވަޑައިގަންނަވާނީ ލަންކާާގެ ރައީސް ގޯޓާބަޔަގެ ބޭބޭފުޅު އަދި ކުރީގެ ރައީސް މަހިންދަ ރާޖަޕަކްސައެވެ.

އެސްއެލްޕީޕީގެ ފަރާތުން ބޮޑުވަޒީރުކަމުގެ ކެނޑިޑޭޓަކަށް މަހިންދަ ލާާނެކަަމަށް މީގެ ކުރިންވެސް ގޯޓާބަޔަ ވަނީ ވިދާޅުވެފައެވެ.

Advertisement

ކޮމެންޓް

Advertisement