ސުޕްރީމް ކޯޓަށް ސުއޫދު އައްޔަން ކުރުމުން މަރުކޮމިޝަނަށް ވާނީ ކިހިނެއް: ހަސަން ލަތީފު
ސުއޫދު ސްޕްރީމް ކޯޓުގެ ފަނޑިޔާރު ކަމަށް، މަރުކޮމިޝަނުގެ ރައީސް ހުސްނުއްސުއޫދު އައްޔަންކުރެއްވުމުން މަރުކޮމިޝަނުގެ މަސައްކަތަށް ދެންވާނެ ގޮތަކާމެދު އެމްޑީޕީގެ ޗެއާޕާސަން އަދި ހެންވޭރު ހުޅަނގު ދާއިރާގެ މެންބަރު ހަސަން ލަތީފު ސުވާލު އުފައްދައިފިއެވެ.
ރައީސުލްޖުމްހޫރިއްޔާ އުފައްދަވާފައިވާ ގޮތް ނޭނގޭ މަރުތައް ބަލައި ކޮމިޝަނުގެ ރައީސް ކަމުގައި ހުންނެވި ސުއޫދު، ސުޕްރީމް ކޯޓުގެ ފަނޑިޔާރު ކަމަށް އައްޔަން ކުރެއްވުމަށް ޖޭއެސްސީއަށް ސުއޫދުގެ ނަން ފޮނުއްވި އިރު، ސުއޫދަކީ އެމްޑީޕީގެ އިސް ސަފުގައި މަސައްކަތް ކުރައްވާ ބޭފުޅެކެވެ.
އަދުލު އިންސާފު ގާއިމު ކުރުމުގެ އެންމެ މަތީ ކޯޓުގެ ފަނޑިޔާރު ކަމަށް، ސުއޫދު އައްޔަން ކުރެއްވުމަށް ރައީސް ނިންމެވި އިރު، މިހާރުވެސް ސުއޫދު ހުންނެވީ ސިޔާސީ މަގާމެއްގައެވެ.
ސުއޫދުގެ އިތުރުން ސުޕްރީމް ކޯޓުގެ ފަނޑިޔާރު ކަމަށް އައްޔަން ކުރެއްވުމަށް ޖޭއެސްސީއަށް ދެން ފޮނުވާފައިވަނީ، ހައިކޯޓުގެ ފަނޑިޔާރުންގެ ފަރާތުން ޖޭއެސްސީގައި އިންނަވާ ފަނޑިޔާރު ރައޫފްގެ ނަމެވެ.
ސުޕްރީމް ކޯޓުން ހުސްވެފައިވާ ދެ މަގާމަށް ކުރިމަތިލުމަށް ހުޅުވައިލި މުއްދަތު މިހާރު ވަނީ އިތުރުކޮށްފައެވެ.
Advertisement
This content is created and paid for by advertisers and does not involve Voice Journalists
