ގާސިމް މަރާލި މީހާގެ ބަންދަށް ފަނަރަ ދުވަސް ޖެހުމުން ހައިރާންވޭ: އިހުސާން
ހުޅުމާލޭގައި ވަރަށް އަނިޔާވެރިކޮށް މަރާލާފައި އޮއްވާ ފެނުނު ޓެކްސީ ޑްރައިވަރކަމުގައިވާ ގާސިމް ހަސަންގެ މަރާއި ގުޅިގެން ފުލުހުން ކުރި މަަސައްކަތަށް އެމްއެންޑީއެފްގެ ކުރީގެ ކެޕްޓަން އަލީ އިހުސާން ތައުރީފްކުރައްވައިފިއެވެ.
އިހުސާން އެ މަސައްކަތަށް ތައުރީފްކުރެއްވީ އޭނާގެ އަމިއްލަ ޓްވިޓަރ މެދުވެރިކޮށް ކުރި ޓްވީޓެއްގައެވެ.
އިހުސާން ވިދާޅުވީ ފުލުހުންގެ މަސައްކަތަށް ތައުރީފްކުރައްވާ ކަަމަށާއި ނަމަވެސް މަރަށް އެއްބަސްވި ފަރާތަަކަށް 15ދުވަހުގެ ބަންދުގެ މުއްދަތެއް ދިނުމުން ހައިރާންވެ ވަޑައިގަންނަވާ ކަމަށެވެ. ސަބަބަކީ އެއީ މައްސަލައެއްގެ ތުހުމަތުގައި ބަންދުކުރެވޭ ފަރާތަަކަށްވެސް އެ މުއްދަތު ދެވޭތީކަމަށް އިހުސާން ވިދާޅުވިއެވެ.
އެބޭފުޅާ އިތުރަށް ވަނީ އުމުރު ދުވަހުގެ ބަންދުގެ މުއްދަތެއް ޖަހާނެކަމަށް އުއްމީދުކުރައްވާ ކަމަށެވެ. އެ މުއްދަތު މުރާޖައާ ކުރެވޭނީ ތަހުގީގުނިންމާ ހުކުމްކުރެވުމުން ކަމަށް އިހުސާން ވިދާޅުވިއެވެ.
މިފަދައިން އަމަލުކުރުމުން ބޭކާރު އަޑުއެހުންތައް ބޭއްވުމުން ސަލާމަތްވެގެންދާކަމަށްވެސް އިހުސާން ވިދާޅުވިއެވެ.
Advertisement
This content is created and paid for by advertisers and does not involve Voice Journalists