ރާއްޖެތެރޭގެ މީހުންނަށްވުރެ މާލޭގެ މީހުން އުޅެނީ މާ ނިކަމެތި ހާލުގައި: މެންބަރު ޝަހީމް
މާލޭގައި ދިިިރިއުޅޭ އަތޮޅުތެރެއަށް ނިސްބަތްވާ ރައްޔިތުންނަށްވުރެ، މާލޭގެ ރައްޔިތުން އުޅެމުންދަނީ މާ ހާލުގައި ކަމަށް ރައްޔިތުންގެ މަޖިލީހުގެ ހެންވޭރު ދެކުނު ދާއިރާގެ މެންބަރު ހުސެއިން ޝަހީމް (އަނދުން ހުސެއިން) ވިދާޅުވެއްޖެއެވެ.
އެބޭފުޅާ މިހެން ވިދާޅުވީ ރޭ ރާއްޖެޓީވީގެ ޕްރޮގްރާާމެއްގައި ވާހަކަފުޅު ދައްކަވަމުންނެވެ.
އަނދުން ހުސެއިން ވިދާޅުވީ އަތޮޅުތެރޭގެ ރައްޔިތުންނަށްވުރެ މާލޭގެ ރައްޔިތުން އުޅެމުންދަނީ މާ ނިކަމެތި ހާލުގައި ކަމަށާއި އާއިލާތައް ބޮޑުވެ ގެތައް ބަހަން ޖެހުމުން ކޮންމެ ފަރާތަކަށްވެސް ލިބިގެންދަނީ ކުޑަ ތަންކޮޅެއްކަމަށެވެ. އޭގެ ސަބަބުން ގެތައް ނުބެހި އާއިލާތައް ފިތުނަ ފަސާދަވެގެންދާކަމަށްވެސް އެބޭފުޅާ ވިދާޅުވިއެވެ.
މެންބަރު ޝަހީމް ވިދާޅުވީ މާލޭގައި ކުއްޔަށް އުޅޭނެ ތަނެއް ނެތިގެން ކޮންމެ އަގެއްގައިވެސް ކުއްޔަށް ހިފަން ޖެހޭ ވަރަށް ކަންކަން ގޮސްފައިވާކަމަށް ގަބޫލުނުކުރައްވާ ކަމަށެވެ.
މީގެ އިތުރުން އެބޭފުޅާ ވަނީ ކުލި ކޮންޓްރޯލްކުުރުމާއި ދެކޮޅަށްވެސް ވާހަކަފުޅު ދައްކަވާފައެވެ.
"މާލޭގެ މީހުން އިމާރާތް ކުރަނީ ވިޔަފާރި ރޭޓުގައި ލޯނު ނަގައިގެން ބޮޑު ޕަސަންޓޭޖެއް. އެހެންވީމަ ކޮމާޝަލް ލޯން ނަގައިގެން ހަތަރު އަހަރު ދައްކަން އަޅާ ތަނެއްގެ ކުލި ހުންނަން ވާނީ ވަކި ވަރަކަށޭ ސަރުކާރުން ނުވެސް ބުނާނެ އަޅުގަނޑު ދެކޭ ގޮތުގައި. އެހެންވެ ކުލި ކޮންޓްރޯލުކޮށްފި ނަމަ ލޯނު ދޭން ބެންކުތަކަށް ޕްރޮޖެކްޓް ފީސިބަލްއެއް ނުވާނެ. ބޮޑު ލޯނެއް ނަގައިގެން ކުރު މުއްދަތެއްގަ ދައްކަން އަޅަފައި ހުންނަ އިމާރާާތްތައްކުގެ ކުލި ވަކި ވަރަކަށް ވުރެ ތިރިއެއް ނުވާނެ"، އެބޭފުޅާ ވިދާޅުވިއެވެ.
Advertisement
This content is created and paid for by advertisers and does not involve Voice Journalists