Oman ge Rasgefaanu avahaara vumun thauziyaa fonuvaifi

އޮމާންގެ ރަސްގެފާނު އަވަހާރަވުމުން ތައުޒިޔާ ފޮނުވައިފި

11 Jan 2020 | 13:39

އޮމާންގެ ރަސްގެފާނު ސުލްތާން ގަބޫސް ބިން ސަޢީދު އަލް ސަޢީދު އަވަހާރަވުމާއި ގުޅިގެން، ތައުޒިޔާގެ މެސެޖެއް ފޮނުއްވައިފިއެވެ.

މި މެސެޖް ފޮނުއްވީ ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހެވެ.

ރައީސް ޞާލިހު ވިދާޅުވީ އޮމާންގެ ރަސްގެފާނު އަވަހާރަވި ޚަބަރު އެއްސެވީ ހިތާމައާއި އެކުގައި ކަމަށާއި، އެމަނިކުފާނަކީ އޮމާނަށް ސުލްހަމަސަލަސްކަން ގެނެސްދިނުމުގެ އިތުރުން ގަލްފް ސަރަހައްދާއި ދުނިޔޭގެ އަމާންކަމަށް ގިނަ މަސައްކަތްތައް ކުރެއްވި ފަރާތެއްކަމަށެވެ.

ރައީސުލްޖުމްހޫރިއްޔާ ވަނީ ސުލްތާން ގަބޫސްގެ ފުރާނަފުޅަށް ސުވަރުގޭގެ ދާއިމީ ނިއުމަތް ދެއްވުމަށް އެދި ދުއާ ދަންނަވާފައެވެ. އާލާސްކަންފުޅާއި އުޅުއްވުމަށްފަހު އެމަނިކުފާނު އަވަހާރަވީއިރު އުުމުރުފުޅަކީ 79އަހަރެވެ.

ސުލްތާން ގަބޫސްގެ ދަރިކަލަކާއި އަންބެއް ނުހުރެއެވެ.