އައްޑޫ ސިޓީ ކައުންސިލްގެ މޭޔަރކަމުގެ މަގާމުގައި ހުންނެވި އަބްދުﷲ ޞާދިގު (ސޯބެ)އަށް މޭޔަރކަމުގެ މަގާމަށް ވާދަ ކުރައްވާ އަލީ ނިޒާރު ވަރުގަދަ ބަހުގެ ހަމަލާއެއް ދެއްވައިފިއެވެ.
ސޯބެއާއި ދެކޮޅަށް މޭޔަަރކަމުގެ މަގާމަށް އެމްޑީޕީގެ ޕްރައިމަރީގައި ވާދަކުރައްވާ ކުރީގެ މެންބަރ މިފަދަ މޭރުމަކުން ވާހަކަފުޅު ދެއްކެވީ ކުރެއްވި ޓްވީޓެއްގައެވެ.
އެބޭފުޅާ ވިދާޅުވީ އެެއްކުލާހެއްގައި ނަތީޖާ ނުނެރެވި 10 އަހަރު ރިޕީޓް ވުމަކީ ތަޖުރިބާނޫންކަމަށާއި އެއީ ފެއިލްވުންކަމަށެވެ.
"ސިޔާސީ ކަންކަން ވެސް މިމިންގަޑުން ކިރާލެވިދާނެ"، ނިޒާރު ވިދާޅުވިއެވެ.
ފާހަގަކޮށްލެވޭ ގޮތުގައި އައްޑޫ ސިޓީ ކައުންސިލްގެ ފާއިތުވެ ދިޔަ ދެ ދައުރުގައިވެސް އެ ސިޓީގެ މޭޔަރކަން ކުރެއްވީ ޞާދިގެވެ. ނަަމަވެސް ޞާދިގުގެ މޭޔަރކަމުގެ ދަށުން އައްޑޫ ސިޓީގައި އެކަށީގެންވާ މަސައްކަތްތަކެއް ކުރެވިފައި ނުވާކަމަށް ބައެއް ފަރާތްތަކުން ދަނީ ބުނަމުންނެވެ.
Advertisement
This content is created and paid for by advertisers and does not involve Voice Journalists
