އަންހެންކުދިން ހިތާނުކުރުމާއި ގުޅޭގޮތުން ރައުޔުއަކަށް އެދުނީ އެޗްޕީއޭއިން ލަފަޔަކަށް އެދިގެން!

އަންހެންކުދިން ޚިތާނުކުރުމާއި ބެހޭގޮތުން އިސްލާމީ ފަތުވާ ދޭ އެންމެ މަތީ މަޖިލީހުގެ ރައުުޔުއަކަށް އެދުނީ އެކަމާއި ގުޅޭގޮތުން ހެލްތު ޕްރޮޓެކްޝަން އޭޖެންސީން ލަފަޔަކަށް އެދުމުންކަމަށް ހާމަވެއްޖެއެވެ.

ރޭގެ ވަގުތެއްގައި މީސް މީޑިޔާގައިވަނީ އަންހެންކުދިން ޚިތާނުކުރުމާއި ގުޅޭގޮތުން އިސްލާމިކް މިނިސްޓަރ ޑރ.އަހުމަދު ޒާހިރު އަލީ، އިސްލާމީ ފަތުވާދޭ އެންމެ މަތީ މަޖިލީހުގެ ރައުޔުއަކަށް އެދިފައިވާ ސިޓީއެއް އާންމުވެފައެވެ. މި ސިޓީ ފޮނުވާފައިވަނީ މިމަހުގެ 5ވަނަ ދުވަހުގައެވެ.

މިކަމާއި ގުޅިގެން މީޑިޔާތަކަށް މައުލޫމާތުދެމުން އިސްލާމިކް މިނިސްޓްރީގެ މީޑިޔާ އޮފިޝަލް ވިދާޅުވީ އެކަމާއި ގުޅޭގޮތުން ރައުޔުއަކަށް އެދުނީ އެޗްޕީއޭއިން އެކަމާއި ގުޅޭ ލަފަަޔަކަށް އެދުމުންނެވެ.

މި ސިޓީއަށް މިހާތަނަށް ޖަވާބެއް ލިބިފައިނުވާކަަމަށް އޮފިޝަލް ވިދާޅުވިއެވެ.

މީގެ ކުރިންވެސް ސިއްހަތާއި ގުޅޭ ކަންކަމާއި ގުޅޭގޮތުން ދީނީ ރައުޔު ހޯދުމަށް އެކި އިދާރާތަކުން އިސްލާމިކް މިނިސްޓްރީގެ ކިބައިން އެދިފައިވެއެވެ.