ކޮރޯނާވައިރަހާ ހެދި ޔޫރޯ 2020 ފަސް ކުރަނީ؟
ހަލުވިކަމާއެކު ދުނިޔޭގެ އެކި ކަންކޮޅުތަކުގައި ފެތުރެމުންދާ ކޮރޯނާވައިރަސް އާއި ގުޅިގެން ޔޫރޯ 2020 ފަސް ކުރުމުގެ މަޝްވަރާތައް ބޭއްވުމަށް ޔުއެފާއިން އަންނަ އަންގާރަ ދުވަހު ކުއްލި ބައްދަލުވުމެއް ބާއްވަން ނިންމައިފިއެވެ.
ކޮރޯނާވައިރަހުގެ އަސަރު ފުޓްބޯޅައިގެ ދުނިޔެއަށް ފޯރާފައިވާތީވެ ވީޑިއޯ ކޯލް މެދުވެރިކޮށް ބޭއްވުމަށް ހަމަޖެހިފައިވާ މި ބައްދަލުވުމުގެ ބޭނުމަކީ ޔޫރޯ 2020 މަދުވެގެން އެއް އަހަރަށް ފަސް ކުރުންކަމަށް ޔޫރަޕުގެ މީޑިއާތަކުން ވަނީ ރިޕޯޓް ކޮށްފައެވެ.
ކްލަބް ފެންވަރުގަ އަދި ގައުމީ ފެންވަރުގަ ކުޅެވޭ ޔޫރަޕުގެ މުބާރާތްތަކާ ގުޅޭ ގޮތުން މި ބައްދަލުވުމުގައި ގޮތްތަކެއް ނިންމާނެކަމަށް ގަބޫލުކުރެވެއެވެ.
ޔޫރަޕުގެ އެކި ގައުމުތަކުގައި މެޗުތައް ކުޅުމަށް ހަމަޖެހިފައިވާ ޔޫރޯ 2020 ބޭއްވުމަށް ހަމަޖެހިފައިވަނީ މި އަހަރުގެ ޖޫން 12 އިން ޖުލައި 12 އަށެވެ.
ކޮރޯނާވައިރަހުގެ ސަބަބުން އެމެރިކާގެ މޭޖާ ސޮކާ ލީގް، ޑަޗް ލީގް، ޕޯޗުގަލް ލީގް، އިޓާލީ ލީގް، އަދި ސްޕެއިން ލީގުގެ ކުޅުން ވަނީ މެދުކަނޑާލާފަކަން ފާހަގަކޮށްލެވެއެވެ.
Advertisement
This content is created and paid for by advertisers and does not involve Voice Journalists