ވައިރަހުގެ އަސަރުކޮށްފައިވާ ފަރާތްތަކަށް އެހީވުމަށް ފޮގްބާ ފަންޑްރެއިސްކޮށް ފައިސާގެ އެހީދެނީ
ކޮރޯނާވައިރަހުގެ އަސަރުކޮށްފައިވާ ފަރާތްތަކަށް އެހީވުމަށްޓަކައި މެންޗެސްޓާ ޔުނައިޓެޑް ތަރި ޕޯލް ޕޮގްބާ ފަންޑްރެއިސް ކުރަން ފަށައިފިއެވެ. އޭގެ އިތުރުން އޭނާ ވަނީ މި ވައިރަހުގެ އަސަރުކޮށްފައިވާ ކުޑަކުދިންނަށް އެހީވުމަށް ޔުނިސެފް އަށް ފައިސާގެ އެހީތެރިކަން ފޯރުކޮށްދޭންވެސް ނިންމާފައެވެ.
ޕޮގްބާ މި ފަންޑްރެއިސާ ފަށާފައިވަނީ އޭނާގެ 27 ވަނަ އުފަންދުވަހާ ގުޅުވައިގެންނެވެ. މިކަމާ ގުޅޭ ގޮތުން އޭނާ ބުނީ ކޮރޯނާ ވައިރަސް މިހާހަރަށްވުރެ ބާރަށް ފެތުރިއްޖިއްޔާ އޭގެ އަސަރު އެންމެ ބޮޑަށް ކުރާނީ ފަގީރު ހާލުގައި އުޅޭ މީހުންނަށައި ކުޑަ ކުދިންނަށް ކަމަށެވެ.
މިފަދަ ފަންޑްރެއިސާ އެއް ފެށުމުގެ ބޭނުމަކީ އެފަދަ ފަރާތްތަކަށް އެހީތެރިކަން ފޯރުކޮށްދިނުން ކަމަށްވެސް އޭނާ ބުނެފައިވެއެވެ.
މި ދަނޑިވަޅުގައި އެންމެ މުހިންމުކަމަކީ އެންމެން އެކަތިގަނޑަކަށްވުން ކަމުގައިވެސް އޭނާ ވަނީ ފާހަގަކޮށްފައެވެ.
ފަންޑްރެއިސް ކޮށްގެން ލިބޭ ފައިސާ ބޭނުން ކުރުމަށް ހަމަޖެހިފައިވަނީ ހެލްތް ވޯކަރުންނަށް ޑިސްޕޯސަބަލް އަންގި، ސާޖިކަލް މާސްކް، އަދި ވެންޓެޑް ގޮގޮލްސް ފޯރުކޮށްދިނުމަށެވެ.
Advertisement
This content is created and paid for by advertisers and does not involve Voice Journalists