ރާއްޖޭގެ އެކި ސަރަހައްދުތަކުގައި ފުޅާ ދާއިރާއެއްގައި ޓެކްސީ ކުރުމުގެ ޚިދުމަތް ފޯރުކޮށްދެމުންދާ ކެބްއެމްވީގެ ފަރާތުން ދިވެހިރާއްޖޭގެ އެންމެ މަގުބޫލު ޓެކްސީ ޑްރައިވަރު ހޮވުމުގެ މުބާރާތެއް ފަށައިފިއެވެ.
ވޮއިސްއަށް މައުލޫމާތުދެއްވި ކެބްއެމްވީގެ އޮފިޝަލަކު ވިދާޅުވީ މި މުބާރާތް އެންމެ ފުރަތަމަ ބާއްވަން ގަސްދުކުރީ ހަމައެކަނި އެ ސެންޓަރުގެ ޑްރައިވަރުންނަށް އަމާޒުކޮށްގެންނެވެ. ނަމަވެސް މި މުބާރާތުގައި ބައިވެރިވުމަށް އެކި ސެންޓަރުތަކުގެ ޑްރައިވަރުން އެދެމުންދާތީ އެ ފުރުސަތު އާންމުކޮށް ހުރިހާ ސެންޓަރެއްގެ ޑްރައިވަރުންނަށް ހުޅުވާލަން ނިންމާފައިވާކަމަށް އޮފިޝަލް ވިދާޅުވިއެވެ.
އެގޮތުން މި މުބާރާތުގައި ބައިވެރިވުމަށް ކުރަންޖެހޭނެ ކަމަކީ އެ ޑްރައިވަރެއްގެ ފޮޓޯއެއް 5 ޖޫންގެ ކުރިން 7413535 އަށް ވައިބަރކުރުމެވެ. މި މުބާރާތުގެ އިތުރު މައުލޫމާތު 9997835 ނަންބަރުން ލިބިވަޑައިގަންނަވާނެއެވެ. މި މުބާރާތް ސްޕޮންސަރ ކުރައްވަން ބޭނުންވާ ފަރާތްތަކުންވެސް މި ނަންބަރަށް ގުޅުމަށް ކެބްެއެމްވީން ވަނީ އެދިފައެވެ.
މި މުބާރާތުގެ އެއްވަނައަށް ދާ ފަރާތަކަށް 2000 ރުފިޔާގެ ފައިސާގެ އިނާމެއް ލިބޭއިރު، ދެވަނައަށްދާ ފަރާތަށް 500 ރުފިޔާގެ ފައިސާގެ އިނާމެއް ލިބޭނެއެވެ.
Advertisement
This content is created and paid for by advertisers and does not involve Voice Journalists
