ކުޑަކުދިންނަށް ކުރާ ޖިންސީ ގޯނާ މަޖިލިސްގެ ސަމާލުކަން ނުލިބުނު، މިއަދުގެ ޖަލްސާ އެކްޓިވިސްޓް ޖައުފަރުގެ ދިފާއުގައި
މާލޭ ގެސްޓަހައުސްއެއްގެ ތެރޭގައި 11 އަހަރުގެ ކުޑަ އަންހެން ކުއްޖަކު ރޭޕްކުރި ކަމުގެ ތުހުމަތުގައި މީހަކު ހައްޔަރުކޮށް ގިނަ ރައްޔިތުންތަކެއް މިކަމުގައި ކަންބޮޑުވުން ފާޅުކުރަމުން އަންނަ އިރު މަޖިލިސްގެ ސަމާލުކަމަށް މިމައްސަލަ ނުލިބި، މިއަދުގެ ޖަލްސާ މަޖިލިސް ސުޕަ މެޖޯރިޓީ އެމްޑީޕީގެ އެކްޓިވިސްޓް ޖައުފަރުގެ ދިފާއުގައި ކުއްލި މައްސަލައެއް ހުށަހަޅައިފިއެވެ.
2020 ވަނަ އަހަރުގެ ދެވަނަ ދައުރުގެ 6 ވަނަ ޖަލްސާގައި، ހުށަހެޅި މި ކުއްލި މައްސަލައަށް އެމްޑީޕީގެ ގިނަ މެންބަރުން ވަނީ ވާހަކަ ދައްކަވާފައެވެ.
ކުޑަ ކުދިން ރޭޕް ކުރުމާއި، ޖިންސީ ފުރައްސާރަށް ހުށަހެޅިފައިވާ އިރު މިފަދަ އިޖުތިމާއީ މައްސަލަތައް މަޖިލިސް އަށް އެޖެންޑާ ކުރުމުގެ ބަދަލުގައި މަޖިލިސް އަށް ދަނީ މިފަދަ ސިޔާސީ ކުއްލި މައްސަލަ ތަކާއި، ޤަރާރުތަކުން ވަގުތު ބޭކާރުކުރަމުންކަމަށް ގިނަ އާންމުން އަންނަނީ މީސްމީޑިއާގައި އަޑު އުފުލަމުންނެވެ.
މަޖިލިސް މިއަދުގެ ޖަލްސާއަށް ކުއްލި މައްސަލައެއް ހުށަހަޅާފައިވަނީ ކުރީގެ ރައީސް އަށް އެމްޑީޕީގެ އެކްޓިވިސްޓް "ބާޢީ" އަށް ގޮވި މައްސަލަގާއި އެކްޓިވިސްޓް ޖައުފަރުގެ ދިފާއުގައެވެ.
މަގުމަތީގައި ކުރެވުނު ފުރައްސާރައެއްގެ މައްސަލަ މަޖިލީހަށް ހުށަހެޅިގެން ބަހުސް ކުރެވުނުކަމުގައި ވީނަމަވެސް މަޖިލީހުން ވަނީ ފުރައްސާރަ ކުރުމަށް ހިތްވަރު ލިބޭގޮތަށް ވާހަކަދައްކަފައެވެ. އަދި މި ސަރުކާރުން އެކަމެއް ހުއްޓުވުމަށް ނުހަނު މަސައްކަތް ކުރައްވާ ނަފުރަތު އުފެދޭ އެތަކެއް ވާހަކަތަކެއް މަޖިލިސް ތަޅުމުގައި ވަނީ ދެކެވިފައެވެ،
އެމްޑީޕީންގެ މެންބަރުން މިފަދައިން ކަންތައް ކުރައްވަމުން ގެންދަވާއިރު، މަޖިލިސް ރައީސް އަދި ކުރީގެ ރައީސް މުހައްމަދު ނަޝީދު ވަނީ "ލާދީނީއޭ" ނަޝީދަށް ނިސްބަތްކޮށް ގޮވި މީހެއްގެ މައްސަލަ ފުލުހަށް ދައުވާ ކުރުމަށް ފޮނުވާފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
