Resort ehge gothugai tharahgee kuramundhaa B.Bodufinolhugai dhivehin thakeh raheenu kohffi

ރިސޯޓެއްގެ ގޮތުގައި ތަރައްގީކުރަމުންދާ ބ.ބޮޑުފިނޮޅުގައި ދިވެހިންތަކެއް ރަހީނުކޮށްފި

03 Jul 2020 | 02:23

ރިސޯޓެއްގެ ގޮތުގައި ތަރައްގީކުރަމުންދާ ބ.ބޮޑުފިނޮޅުގައި ދިވެހިންތަކެއް ރަހީނުކޮށްފިއެވެ.

އެނގިފައިވާ ގޮތުގައި މިރަށުގައި ބިދޭސީންތަކެއްވެގެން ދިވެހިން ރަހީނުކޮށްފައިވަނީ މުސާރަ ނުދޭ މައްސަލައިގައެވެ. އެފަރާތްތަކަށް މުސާރަ ނުދޭތާ މަސްތަކެއް ވެފައިވާ ކަމަށް ބައެއް މީޑިޔާތަކުން ވަނީ ރިޕޯޓްކޮށްފައެވެ.

މި މައްސަލަ ހައްލުކޮށް، ރަހީނުކޮށްފައި ތިބި މީހުން ސަލާމަތްކުރަން ފުލުހުން ދަނީ މަސައްކަތް ކުރަމުންނެވެ. ނަމަވެސް އެރަށާއި ކައިރިއަށް ފުލުހުން ތިބި ދޯނި ދިއުމުން ބިދޭސީން ވަނީ ފުލުހުންނާއި ދިމާލަށް ގާ އުކާ ހަދާފައެވެ. މިކަމުގައި ބައެއް މީހުންނަށް އަނިޔާވެފައިވާކަމަށް މައުލޫމާތު ލިބެއެވެ.

އަދާހަމަ: ފުލުހުން މައުލޫމާތުދޭ ގޮތުގައި މި ރަށުގައި 200 އެއްހާ ބިދޭސީންނާއި 15 ދިވެހިން އެބަތިއްބެވެ. މި އޮޕަރޭޝަންގައި އެ ސަރަހައްދުގެ އެކިއެކި ރަށްރަށުގެ ފުލުހުން ދަނީ ބައިވެރިވަމުންނެވެ.