އަހަރުގެ މިހާތަނަށް ދައުލަތަށް އާމްދަނީގެ ގޮތުގައި ވަނީ 30.7 ބިލިއަން ރުފިޔާ ލިބިފައެވެ. މިއީ މިދިޔަ އަހަރުގެ މި މުއްދަތާ އަޅާބަލާއިރު 8.5 އިންސައްތައިގެ އިތުރުވުމެކެވެ

ފިނޭންސްގެ ފިސްކަލް ޑެވެލޮޕްމެންޓުގެ ހިސާބުތަކުން މި އަހަރުގެ މިހާތަނަށް ޓެކުހުގެ ގޮތުގައި 20.9 ބިލިއަން ރުފިޔާ ލިބިފައިވާއިރު، މިދިޔަ އަހަރުގެ މި މުއްދަތުގައި ދައުލަތަށް ލިބިފައިވަނީ 19.7 ބިލިއަން ރުފިޔާއެވެ. މިއީ 6.1 އިންސައްތައިގެ ކުރިއެރުމެކެވެ

ވީކްލީ ފިސްކަލް ޑިވެލޮޕްމަންޓް ރިޕޯޓުން ދައްކާގޮތުގައި މިހިނގާ ސެޕްޓެމްބަރުމަހުގެ 18 ވަނަ ދުވަހުގެ ނިޔަލަށް ދަރަނި އަނބުރާ ދެއްކުމަށް ވަނީ 4.3 ބިލިއަން ރުފިޔާ ހޭދަކޮށްފައެވެ

އަހަރުގެ މިހާތަނަށް ލިބުނު އާމްދަނީއާ ކުރެވުނު ހަރަދުތަކަށް ބަލާއިރު، ދައުލަތުގެ ބަޖެޓުގެ އޯވަރއޯލް ބެލެންސް އުޅެނީ 1.4 ބިލިއަން ރުފިޔާގެ ސަރޕްލަސްގަ

މިދިޔަ ހަފްތާގެ ނިޔަލަށް ދައުލަތުގެ ބަޖެޓްގެ ޖުމްލަ ހަރަދު ހުރީ 15.3 ބިލިއަން ރުފިޔާގަ. ރިކަރަންޓް ޚަރަދު 2.0 އިންސައްތައިން ދަށްވެފައިވާއިރު، ކެޕިޓަލް ޚަރަދު ވަނީ 65.5 އިންސައްތައިން ދަށްވެފަ