ސްޓޭޓް ފާމާގެ ފާމަސީތަކުން ލިބެން ހުރި ބޭހާއި އަގުގެ މަޢުލޫމާތު އެއް ޕްލެޓްފޯމަކުން ފެންނާނެ ޕޯޓަލެއް އަންނަ ސެޕްޓެމްބަރު މަހު ލޯންޗުކުރާނެ ކަމަށް އެ ކުންފުނިން ބުނެފިއެވެ.

ސްޓޭޓް ފާމަސިއުޓިކަލްސް އެންޑް މެޑިކަލް ސަޕްލައި ކޯޕަރޭޝަންގެ އަމާޒަކީ ވިޔަފާރި ނަފާ އިތުރުކުރުމެއް ނޫންކަމަށާއި މި ވަގުތު އެންމެ ބޮޑު އަހައްމިއްޔަތުކަމެއް ދެނީ، ދަތިކަމެއް ނެތި ހުރިހާ ބޭހެއް ލިބޭނެ އިންތިޒާމު ހަމަޖެއްސުންކަމަށް އެ ކުންފުނީގެ މެނޭޖިންގ ޑިރެކްޓަރ ޑރ.ޝާހު މާހިރު ވިދާޅުވެއްޖެއެވެ.

ރަށްރަށުގައި ބޭސްލިބުމަށް ދިމާވާ ދަތިތައް ދެނެގަނެ، ހަރުދަނާ ސިޔާސަތެއް ބިނާކުރުމަށް ސްޓޭޓްފާމާއިން ސިލްސިލާ ބައްދަލުވުންތަކެއް ފަށައިފި އެވެ.

ނަމަވެސް އިމާޖަންސީ ހާލަތުގައި ބޭސް ލިބޭނެ އިންތިޒާމު ހަމަޖައްސާފައިވާ ކަމަށް ވަނީ ބުނެފަ އެވެ.

ރައްޔިތުންނަށް ފޯރުކޮށްދޭ ޚިދުމަތްތައް އިތުރަށް ހަރުދަނާކޮށް ފުޅާކުރުމުގެ މަޤްސަދުގައި، "ސްޓޭޓްފާމާ އައި.ޖީ.އެމް.އެޗް ފާމަސީ" ގެ ނަމުގައި އިންދިރާ ގާންދީ މެމޯރިއަލް ހޮސްޕިޓަލް (އައި.ޖީ.އެމް.އެޗް) ގެ އޯ.ޕީ.ޑީ ސަރަހައްދުގައި ޚާއްޞަ ފާމަސީއެއް ހުޅުވައިފިއެވެ.

ފާމަސީ ތަކުގައި ސްޓޮކްގައި ހުރި ބޭސްތަކުގެ މައުލޫމާތު ހޮސްޕިޓަލުތަކަށް ފެންނާނެ ނުވަތަ ބަލާލެވޭނެ ނިޒާމެއް އަދި ނެތް ކަމަށް ސްޓޭޓް ފާމާއިން މިއަދު ބުނެފިއެވެ.

އެމްއެމްޓީވީގެ "އަދާހަމަ" ޕްރޮގްރާމަށް ދެއްވި އިންޓަވިއުއެއްގައި އެ ކުންފުނީގެ މެނޭޖިންގ ޑިރެކްޓަރ ޑރ.ޝާހް ވިދާޅުވި ގޮތުގައި، މި އައު ޕްލެޓްފޯމް މެދުވެރިކޮށް ބޭސް ސިޓީ އަޕްލޯޑް ކުރުމާއި ބޭހަށް އޯޑަރު ދިނުމުގެ މަސައްކަތް ކުރެވޭނެއެވެ. މީގެ އިތުރުން، އޯޑަރު ޑެލިވަރީގެ ކަންކަން ކުރިއަށްދާ ގޮތްވެސް ހަމަ އެ ތަނަކުން ބަލައިލުމުގެ ފުރުސަތު އާންމުންނަށް ލިބިގެންދާނެއެވެ.