އޮސްޓްރޭލިއާ ގައި މިހާރު ކުރިއަށްދިޔަ އެސް.ޑަބްލިއު.އޭ (ސްވިމިންގ ވެސްޓަރން އޮސްޓްރޭލިއާ) ހެންކޮކް ޕްރޮސްޕެކްޓިންގ ސްޓޭޓް ޗެމްޕިއަންޝިޕްސްގައި އަންހެނުންގެ ލޯންގކޯސް 50 މީޓަރ ބެކްސްޓްރޯކް އަދި 50 މީޓަރ ފްރީސްޓައިލް އިވެންޓުގެ ޤައުމީ ރެކޯރޑް ޢާއިޝަަތު ޢުލްޔާ ޝާއިޤް އައުކޮށްފިއެވެ.

ޔޫކޭ ގައި މިހާރު ކުރިއަށްދިޔަ ޑެވަން ކައުންޓީ ޗެމްޕިއަންޝިޕްސް ގައި ރާއްޖެގެ މިރާލް ޢައިން ލަތީފް އަންހެނުންގެ ލޯންގކޯސް 200 މީޓަރ އިންޑިވިޖުއަލް މެޑްލޭ އަދި އަންހެނުންގެ ޝޯޓްކޯސް 400 މީޓަރ އިންޑިވިޖުއަލް މެޑްލޭ އިވެންޓުގެ ޤައުމީ ރެކޯރޑް އައުކޮށްފިއެވެ.

12 ވަނަ އެމްއައިބީ އިންޓަރ އޮފީސް ބިލިއަރޑް މުބާރާތުގެ ޓީމް އިވެންޓުގެ އަންހެން ޑިވިޝަން ފައިނަލުގައި ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) އާއި ބެންކް އޮފް މޯލްޑިވްސް (ބީއެމްއެލް) ކުޅުނު މެޗު ވާދަވެރި ކުޅުމަކަށްފަހު 2-1 ގެ ނަތީޖާއަކުން ކާމިޔާބުކޮށް ބީއެމްއެލް އިން މުބާރާތުގެ ޗެންޕިއަންކަން ހޯދައިފިއެވެ.

12 ވަނަ އެމްއައިބީ އިންޓަރ އޮފީސް ބިލިއަރޑް މުބާރާތުގެ ޓީމް އިވެންޓުގެ ފިރިހެން ޑިވިޝަންގެ ފައިނަލުގައި 2-0 ގެ ނަތީޖާއަކުން މޯލްޑިވްސް އިސްލާމިކް ބޭންކް (އެމްއައިބީ) ބަލިކޮށް ސްޓެލްކޯއިން މުބާރާތުގެ ޗެންޕިއަންކަން ހޯދައިފިއެވެ.

ޓޯނަމެންޓް އެމްވީގެ ފަރާތުން އިންތިޒާމުކޮށް ހުޅުމާލޭ ސިޓީގައި ކުރިއަށް އޮތް ރޯދަމަހު "މީމުތާ ފުޓްސަލް ޗެލެންޖް 2025" ގެ ނަމުގައި ފުޓްސަލް މުބާރާތެއް ބާއްވަން ނިންމައި މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.

މިހާރު ކުރިއަށްދާ "ސީޕީ ކަޕް ހޭންޑްބޯޅަ ޓޯނަމެންޓް 2025" ގެ އަންހެން ޑިވިޝަން ފައިނަލުގައި މިރޭ ސެންޓްރަލް އިންވެސްޓިގޭޝަން ކޮމާންޑް އިންވެސްޓިގޭޝަން ޔޫނިއަން (ސީއައިސީ އައިޔޫ) އާއި މާލޭ ފުރޮންޓްލައިން ޕޮލިސް (އެމްއެފްޕީ) ކުޅުނު މެޗު ވާދަވެރި ކުޅުމަކަށްފަހު 5-7 ގެ ނަތީޖާއަކުން ކާމިޔާބުކޮށް މުބާރާތުގެ ޗެންޕިއަންކަން ސީއައިސީ އައިޔޫ އިން ހޯދައިފިއެވެ.

މިހާރު ކުރިއަށްދާ "ސީޕީ ކަޕް ހޭންޑްބޯޅަ ޓޯނަމެންޓް 2025" ގެ ފިރިހެން ޑިވިޝަން ފައިނަލްގެ މެޗުގައި ސްޕެޝަަލް އޮޕަރޭޝަންސް ރެކްރިއޭޝަން ކުލަބު (އެސްއޯއާރުސީ) އާއި ސްޕެޝަަލް ކުލަބު ޕްރޮޓެކްޝަން ޑިޕާޓްމަންޓް (ކުލަބު އެސްޕީޑީ) ވާދަކުރި މެޗު 12-17 ގެ ނަތީޖާއަކުން ކާމިޔާބުކޮށް މުބާރާތުގެ ޗެންޕިއަންކަން އެސްއޯއާރުސީ އިން ހޯދައިފިއެވެ.

އެތްލެޓިކްސް އެސޯސިއޭޝަން އޮފް މޯލްޑިވްސްގެ ފަރާތުން 2025 ވަނަ އަހަރު ބޭއްވުމަށް ތާވަލުކޮށްފައިވާ މުބާރާތްތަކުގެ ކަލަންޑަރު މިއަދު އާންމުކޮށްފިއެވެ.