އިދިކޮޅު އެމްޑީޕީގެ މެޖޯރިޓީ އޮތް، 19 ވަނަ ރައްޔިތުންގެ މަޖިލީހުން، ރައްޔިތުންގެ ކަންބޮޑުވުންތައް ހުރި ޚައްސާސް މައްސަލަތަކާއި ގުޅިގެން ހުށަހެޅުނު ކުއްލި މައްސަލަތައް ބޭރު ކުރި ކަމަށާ، އެހެން ނަމަވެސް، ޕީއެންސީގެ މެޖޯރިޓީ އޮތް 20 ވަނަ ރައްޔިތުން މަޖިލީހުން އިދިކޮޅުގެ ކުއްލި މައްސަލަ ބަލައިގަނެ ތަފާތު ދައްކާފައިވާ ކަމަށް، ޕީއެންސީގެ ޕީޖީ ލީޑަރ އިބްރާޙިމް ފަލާޙް ވިދާޅުވެއްޖެއެވެ.

މަޖިލީސް ތެރެއިން މަސައްކަތް ކުރައްވާނީ ވޭހާވެސް ބޮޑަށް މައިނޯރިޓީ ޕާޓީއަށް ފުރުސަތުތައް ދެއްވައިގެން ކަމަށް މަޖިލީހުގެ މެޖޯރިޓީ ޕާޓީ ޕީއެންސީން ބުނެފިއެވެ.