20 ވަނަ ރައްޔިތުންގެ މަޖިލީހުގެ މަޖިލީހުގެ މެޖޯރިޓީ ލީޑަރަަކަށް ޕީއެންސީގެ ޕީޖީ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހު އަދި މަޖިލީހުގެ މައިނޯރިޓީ ލީޑަރަކަށް އެމްޑީޕީގެ ޕީޖީ ލީޑަރު އަދި ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް ކަނޑައަޅައިފި އެވެ.
މި ދެބޭފުޅުން މި މަގާމަށް އައްޔަނުކޮށްފައިވާކަން ހާމަކޮށްފައިވަނީ ރައްޔިތުންގެ މަޖިލީހުގެ މިއަދުގެ ޖަލްސާގައި ރިޔާސަތުން އަންގާ އެންގުންތައް އެންގުމުގެ ތެރޭގައި މަޖިލީހުގެ ރައީސް އަބްދުއްރަޙީމް އަބްދުﷲއެވެ.
މަޖިލީހުގެ މެޖޯރިޓީ ލީޑަރަކީ މަޖިލީހުގައި އެންމެ ގިނަ މެންބަރުން ތަމްސީލު ކުރާ ޕާޓީގެ ފަރާތުން ކަނޑައަޅާ މެންބަރެވެ. އަދި މައިނޯރިޓީ ލީޑަރަކަށް ކަނޑައަޅަކީ އެންމެ ގިނަ މެންބަރުން ތަމްސީލު ކުރާ ޕާޓީ ފިޔަވާ ދެން އެންމެ ގިނަ މެންބަރުން ތަމްސީލު ކުރާ ޕާޓީގެ ފަރާތުން ކަނޑައަޅާ މެންބަރެވެ.
މަޖިލީހުގައި ވެރިކަން ކުރާ މައި ޕާޓީ ޕީއެންސީ އަށް ނިސްބަތްވެވަޑައިގަންނަވާ 74 މެމްބަރަކު ތިބޭއިރު، އެމްޑީޕީއަށް ނިސްބަތްވާ ތިބެނީ 12 މެމްބަރުންނެވެ.
Advertisement
This content is created and paid for by advertisers and does not involve Voice Journalists
