އެ އިންޒާރާގެ މުޒާހަރާގެ ބައިވެރީން މިރޭ އެއްވީ ކާނިވާ ސަރަހައްދަށެވެ. އެ ސަރަހައްދުގައި ތިބެ އަޑުއުފުލި އެވެ. މިރޭ ވެސް އެ މީހުން ތިބީ ފުލުހުންނަށް ހުތުރު ބަސްތައް ރައްދުކޮށް ލިޔެފައިވާ ބޯޑްތައް ހިފައިގެންނެވެ.

ރޭގެ އިހުތިޖާޖުގެ ތެރެއިން ހައްޔަރު ކުރީ ނ.ކުޑަފަރި / ބަގީޗާގެ އަބްދުﷲ މަހްޒޫމް މާޖިދު (28އ) އާއި މ. ހަސްތީ / މާލެ، އާއިޝަތު ޝިމަން އަހްމަދު (19އ) އެވެ.

ފުލުހުން ވަނީ ބަޔާނެއް ނެރެ އެކަން ހާމަކޮށްފަ އެވެ. ފުލުހުން އެކަން ހާމަކުރީ ހުއްދަ ހޯދުމަކާ ނުލައި އެއްވެވޭނެ ތަންތަން އިތުރުކޮށް ގަވާއިދު އަލުން ގެޒެޓްކުރުމާއި ގުޅިގެންނެވެ.

ހުއްދަ ހޯދުމަކާ ނުލައި އެއްވެވޭނެ ތަންތަން ކަނޑައެޅީ ކުރީގެ ރައީސް ޔާމީންގެ ސަރުކާރުގަ އެވެ. އެ ގާާނޫނަށް ބަދަލު ގެންނަން ކުރީގެ ރައީސް ސޯލިހްގެ ސަރުކާރުން ވެސް ދެކޮޅު ހެދި އެވެ.

އެ ދެ މީހުން ހައްޔަރު ކުރި ސަބަބު ވެސް ބުނެފައިވެ އެވެ.

މި ފިޔަވަޅު އަޅާފައިވަނީ ދަރިވަރުންގެ ތައުލީމީ މަސްލަހަތާއި އާންމު ރައްޔިތުންގެ ދިރިއުޅުމަށް ކުރާ އަސަރުތަކަށް ރިއާޔަތް ކުރުމަށް ފަހު ކަމަށް ވެސް ފުލުހުން ބުންޏެވެ.

އެއީ މުޒާހަރާ ރޭވުމުގައި އިސްކޮށް އުޅޭ ދެ މީހުން ކަމަށް ވެ އެވެ.

ބާރުވެރި މަގާމުތަކުގައި ތިއްބެވި ބޭފުޅުން އަނިޔާލިބިގެންވާ މީހުންގެ ދުއާއަށް ބިރުވެތިވެ އަނިޔާވެރިކަން ހުއްޓާލުމަށް ވެސް ގޮވާލާފައިވެ އެވެ.