ކަނޑުމަތީ ނުރައްކާތެރި އެކްސިޑެންޓެއް ހިނގާ ތިން މީހަކަށް އަނިޔާ ވެއްޖެ އެވެ.

ފުލުހުން ދެންމެ ބުނީ ޅ. މަޑިވަރު އެއާޕޯޓާ ދިމާ ކަނޑުމަތީން ލޯންޗަކާއި ޑިންގީ އެއް ޖެހި އެކްސިޑެންޓް ހިނގާފައިވާ ކަމަށެވެ.

އެކްސިޑެންޓްވީ މިރޭ 8:26 ހާއިރު އެވެ.

އެކްސިޑެންޓާއި ގުޅިގެން ތިން މީހަކަށް ވަނީ އަނިޔާވެފަ އެވެ. އެ މީހުންނަށް ޅ އަތޮޅު ހޮސްޕިޓަލްގައި ދަނީ ފަރުވާ ދެމުންނެވެ.

އެކްސިޑެންޓަށް ފަހު ޑިންގީ ގެއްލިފައިވާ ކަމަށާ ބެލެވެނީ އަޑިއަށް ދިޔައީ ކަމަށް ފުލުހުން ބުނެ އެވެ.