ރައީސް ނަޝީދާއި ދެކޮޅަށް އަޑު އުފުލުމުން، މަގު މަތިން ނަން އިއްވައިފި!
ރައްޔިތުންގެ މަޖިލީހުގެ ރައީސް މުހައްމަދު ނަޝީދާއި ދެކޮޅަށް އަޑު އުފުލި މީހުން ތަކެއްގެ ނަން އިއްވައިފިއެވެ.
ދަ ޑިމޮކްރެޓްސް ގެ ކެންޑިޑޭޓް، އިލްޔާސް ލަބީބަށް ތާއީދު ހޯދުމަށް، ވެށިފަހި މާލެ، ޕިކަޕު ޖަލްސާ ނަމުގައި މިއަދު ވަނީ މާލޭގައި ކެންޕެއިން ޖަލްސާއެއް ކުރިއަށް ގެންގޮސްފައެވެ.
އެ ޖަލްސާގެ ތެރެއިން، ޕިކަޕުގައި މާލޭގެ އެކި މަގު ތަކުގައި ކެންޕެއިންކޮށް، ޑިމޮކްރެޓްސް ގެ ސިޔާސަތުތައް ކިޔައިދިނުން ކުރިއަށް ގެންގޮސްފައިވާއިރު އެ ކެންޕެއިންގެ ތެރެއިން، ބައެއް ގެތަކުގައި ތިބި މީހުން ވަނީ، ރައީސް ނަޝީދާއި އެމަނިކުފާނުގެ ޓީމުގެ ބޭފުޅުންނާ ދެކޮޅަށް އަޑު އުފުލާފައެވެ.
އެއާއެެކު ނަޝީދު ވަނީ، އެމަނިކުފާނުގެ އެ ގޭގޭގައި ދިރިއުޅޭ މީހުންގެ ނަން، އަޑުގަދަ ކުރާ ބޭނުންކޮށްގެން ގޮވާފައެވެ.
ރައީސް ނަޝީދުގެ މި ޢަމަލާއި ގުޅިގެން ގިނަ ބައެއްގެ ފާޑުކިޔުންތައް މިހާރު ވަނީ އެމަނިކުފާނަށް އަމާޒުވެފައެވެ.
އެގޮތުން، އެއްބަޔަކު ވަނީ އެމަނިކުފާނު އެ ކުރެއްވީ ވަރަށް ހުތުރު ކަމެއްގެ ގޮތަށް ސިފަ ކޮށްފައެވެ. އަދި ކެންޕެއިނަށް ނުކުންނަން ވާނީ ފާޑުކިޔުންތައް ވެސް އަމާޒުވާނެ ކަން ދަނެގެން ކަމަށްވެސް މީހަކު ބުނެފައިއެވެ.
އަނެއް ބަޔަކު ވަނީ، ރައްޔިތުންގެ މަޖިލީހުގެ ޖަލްސާ ތަކުގައި ނިޒާމު ގެއްލުވާލާ އަޑު ގަދަ ކުރާ މީހުންގެ ނަން އިއްވާ ފަދައިން، މަގުމަތީގައި ހުންނަވައިގެން، އެމަނިކުފާނާއި ދެކޮޅަށް އަޑު އުފުލާ މީހުންގެ ނަން އިއްވަނީ، މަގުމައްޗަކީވެސް މަޖިލިސް ކަމަށް ދެކިގެން ތޯ ސުވާލު ކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
