ހަނިމާދޫ ގެއަކަށް ޒުވާނަކު ވަދެ، މުސްކުޅިއަކު އަތުން ފޭރި، ޒަޚަމްކޮށްލައިފި!
ހދ. ހަނިމާދޫގައި ގެއަކަށް މީހަކު ވަދެ، އެގޭގައި ދިރިއުޅޭ މުސްކުޅިއަކަށް ހަމަލާދީ ޒަހަމްކޮށްލައިފި އެވެ.
ހަނިމާދޫގައި ރޭގެ ވަގުތެއްގައި މުސްކުޅިއަކަށް ހަމަލާދީ ޒަޚަމް ކޮށްލި ޒުވާނަކު އެ ރަށު މީހުން ހިފަހައްޓައި، އެ މީހާގެ ވީޑިއޯ ވެސް މީސް މިޑިއާގައި ރޭ ވަނީ އާއްމު ކޮށްފައެވެ.
އެކަމާއި ގުޅިގެން 'ވޮއިސް' އަށް މައުލޫމާތު ދެއްވަމުން ފުލުހުންގެ މީޑިއާ އޮފިޝަލް ވިދާޅުވީ، ހަނިމާދޫ ގެއަކަށް މީހަކު ވަދެ، އެގޭގައި ދިރިއުޅޭ އުމުރުން ދުވަސްވީ މީހަކަށް އަނިޔާ ކޮށް، ފައިސާ ފޭރުނު މައްސަލަ ރޭ 23:45 ކަން ހާއިރު ފުލުހުންނަށް ރިޕޯޓް ކޮށްފައިވާ ކަމަށެވެ.
މިހާދިސާގައި އަނިޔާވެފައި ވަނީ 63 އަހަރުގެ ދިވެހި ފިރިހެނަކަށް ކަމަށާ، އެ މީހާއަށް ކުޅުދުއްފުށީ ރީޖަނަލް ހޮސްޕިޓަލްގައި ފަރުވާ ދެމުންދާ ކަމަށް ވެސް މީޑިއާ އޮފިޝަލް ވިދާޅުވި އެވެ.
މީގެ އިތުރުން މީޑިއާ އޮފިޝަލް ވިދާޅުވީ މި މައްސަލަ އާއި ގުޅިގެން 25 އަހަރުގެ ދިވެހި ފިރިހެނެއް ހައްޔަރު ކޮށްފައިވާ ކަމަށާ ފުލުހުން އެ މައްސަލަ ބަލަމުންދާ ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
