ހުޅުމާލޭގައި ހެދި "ކޯ ވޯކިންގ ސްޕޭސް" ހުޅުވައިފި
ހުޅުމާލޭގައި ހެދި ކޮންޓެއިނަރ ޕާކުގެ "ކޯ ވޯކިންގ ސްޕޭސް" ހުޅުވައިފިއެވެ.
ކޮންޓެއިނަރ ޕާކަކީ އަރބަންކޯ އާއި އިކޮނޮމިކް މިނިސްޓްރީ ގުޅިގެން ތަރައްޤީކޮށްފައިވާ ތަނެކެވެ.
ކޯ ވޯކިން ސްޕޭސްއެއް ތަރައްޤީ ކުރުމުގެ މައިގަނޑު މަޤްސަދަކީ ސްޓާޓަޕްތަކާއި، އަލަށް ފަށާ ވިޔަފާރިތަކަށް މަސައްކަތްތައް ކުރެވޭނެ ފަހި މާހައުލެއް ޤާއިމްކޮށްދީ، އެފަދަ ވިޔަފާރިތައް ކުރިއަރުވަން ފަންނީ އެހީއާއި ވަސީލަތްތައް ފޯރުކޮށްދިނުން ކަމަށް އިކޮނޮމިކް މިނިސްޓްރީ އިން ބުނެފައިވެއެވެ.
މިގޮތުން މިތަނުގައި 16 ވޯކް ސްޓޭޝަން އަދި މީޓިން ރޫމްގެ ވަސީލަތްތައް ޤާއިމްކޮށްފައިވާ ކަމަށް އިކޮނޮމިކް މިނިސްޓްރީން ބުނެ އެވެ.
އެ މިނިސްޓްރީން ބުނީ ބިޒްނަސް ސެންޓަ ކޯޕަރޭޝަން (ބީސީސީ) އިން އަލަށް ފަށާ ވިޔަފާރިތަކާއި ޒުވާނުންނަށް އަމާޒުކޮށްގެން ސީޑް ބައި ބީސީސީގެ ނަމުގައި ކޯ ވޯކް ސްޕޭސް އެއް މާލޭގައި މިހާރުވެސް ދަނީ ހިންގަމުންކަމަށެވެ. އަދި މިފަދަ ފުރުސަތުތައް އިތުރު ކުރުމުގެ ގޮތުން ހުޅުމާލެގެ ކޮންޓެއިނާ ޕާކްގައި ކޯ ވޯކް ސްޕޭސް އެއް ހުޅުވާފައިވާ ކަމަށް އިކޮނޮމިކް މިނިސްޓްރީން ބުނެ އެވެ.
ީކޮންޓެއިނާ ޕާކްގެ "ކޯ ވޯކިން ސްޕޭސް" – އޮޕަރޭޝަންސް އަދި މެނޭޖްކުރުމަށްޓަކައި އިކޮނޮމިކް މިނިސްޓްރީ، އާބަންކޯ އަދި ބިޒްނަސް ސެންޓަ ކޯޕަރޭޝަން (ބީސީސީ) އާއި ދެމެދު އެމްއޯޔޫގައި، ސޮއިކުރީ މެއި 18 2023 ގަ އެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
