މީގެ ކުރީ ސަރުކާރުތަކުން ހިންގިފައިނުވާވަރަށް މިސަރުކާރުގައި ދީނީ ހަރަކާތްތައް ހިންގިފައިވޭ: ޑރ ޒާހިރު
މީގެ ކުރީ ސަރުކާރުތަކުން ހިންގިފައިނުވާ ވަރަށް މިސަރުކާރުން ދީނީ ހަރަކާތްތައް ހިންގިފައިވާކަމަށް އިސްލާމިކް މިނިސްޓަރ ޑރ އަހްމަދު ޒާހިރު ވިދާޅުވެއްޖެއެވެ.
ޑރ އަޙްމަދު ޒާހިރު މިހެން ވިދާޅުވީ މިއަދު ޢަދާލަތު ޕާޓީއާއި ބައެއް ޢިލްމުވެރިން ބޭއްވެވި ނޫސްވެރިންގެ ބައްދަލުވުމެއްގައި ވާހަކަދައްކަވަމުންނެވެ.
ޑރ ޒާހިރު ވިދާޅުވީ ދީނީ ދައުވަތުގެ މަސައްކަތުގެ ތެރެއިން ދީނީ ޢިލްމުވެރިންގެ އެއްބާރުލުން ވަރަށް ބޮޑަށް ލިބިފައިވާ ކަމަށާއި މިދައުރުގެ ތެރޭގައި ރާއްޖެގެ އެކި ރަށްރަށުގައި މިހާތަނަށް ގާތް ގަނޑަކަށް 10670 އެއްހާ ޕްރޮގްރާމް ހިންގިފައިވާ ކަމަށެވެ. އަދި މީގެ ކުރީގެ ސަރުކާރުތަކުން ހިންގިފައިނުވާ ވަރަށް މިސަރުކާރުން ދީނީ ހަރަކާތްތައް ހިންގިފައިވާ ކަމަށް މިނިސްޓަރ ޒާހިރު ވިދާޅުވިއެވެ.
ޑރ ޒާހިރު ވިދާޅުވީ ކޮވިޑްގެ ދުވަސްވަރު ދީނީ ގޮތުން ދިމާވި އެކިއެކި ކަންކަމާއި މެދު އެކި ފިކުރުގެ އެކި ބޭފުޅުންނާއި އެކު މަޝްވަރާ ކުރެއްވުމަށް ރައީސް އޮތީ މަޝްވަރާ ދެއްވައިފައި ކަމަށެވެ.
އަދި ކޮވިޑްގެ ދުވަސްވަރު ދިމާވަމުންދިޔަ ދީނީ ގޮތުން ނިންމަންޖެހޭ ކަންކަން ރައީސް ޞާލިޙް ނިންމަވާފައިވަނީ ޢިލްމުވެރިންގެ މަޝްވަރާއަށް ފަހު ޢިލްމުވެރިންގެ ނިންމުގެ މައްޗަށް ކަމަށެވެ.
އިސްލާމިކް މިނިސްޓަރ ވިދާޅުވީ އިސްލާމިކް މިނިސްޓްރީގެ މަސައްކަތްތައް ހިންގުމުގައި ރައީސް އިބްރާހިމް މުޙައްމަދު ޞާލިޙްގެ އެއްބާރުލުން ވަރަށް ބޮޑަށް ލިބިވަޑައިގަތް ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
