ފުވައްމުލަކު ސްކޫލްގައި ވޮކޭޝަނަލް ތަޢުލީމަށް ޚާއްސަ ލެބްތައް ހުޅުވައިފި
ޏ.އަތޮޅު ތަޢުލީމީ މަރުކަޒުގައި ޤާއިމް ކުރި ވޮކޭޝަނަލް ތަޢުލީމަށް ޚާއްސަ ލެބްތައް ހުޅުވައިފިއެވެ.
ސްކޫލްތަކުގައި ވޮކޭޝަނަލް އެޑިޔުކޭޝަން ތަޢުލީމު ދިނުމަށް ޤާއިމްކުރާ ލެބްތަކުގެ ތެރެއިން ޏ. އަތޮޅު ތަޢުލީމީ މަރުކަޒުގައި ޤާއިމުކުރި ޖެނެރަލް ލެބާއި ސްޓެމް ލެބް ހުޅުވުމަށް ބޭއްވި ރަސްމިއްޔާތު ޝަރަފުވެރިކޮށްދެއްވައި ފައިވަނީ އެޑިޔުކޭޝަން މިނިސްޓަރ ޢާއިޝަތު ޢަލީއެވެ.
އަދި އެލެބްތައް ހުޅުއްވައިދެއްވީ މިނިސްޓަރ ޢާއިޝަތު ޢަލީއެވެ.
ޖެނެރަލް ލެބްގައި ދަރިވަރުންނަށް ވަޑާން ކުރަން ދަސްކޮށްދިނުމަށް ޚާއްޞަކުރެވިފައިވާ ތަނެއް ހުންނާނެ ކަމަށް އެޑިޔުކޭޝަނުން ބުނެފައިވެއެވެ.
އެމިނިސްޓްރީ އިން ބުނެފައިވަނީ ޏ. އަތޮޅު ތަޢުލީމީ މަރުކަޒުގައި މިއަދު ހުޅުވި ސްޓެމް ލެބްތަކުގެ ސަބަބުން ދަރިވަރުންނަށް އާންމު ދިރިއުޅުމަށް މުހިންމު އެތައް ހުނަރުތައް ދަސްވެ، މުސްތަޤުބަލުގައި ހުނަރުވެރި، ޤާބިލު ތަޢުލީމީ ޖީލެއް ބައްޓަންކުރުމަށް މަގުފަހިވެގެން ދާނެކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
