ޣައްޒާ އަށް އިޒްރާއިލުން ދިން ހަމަލާއެއްގައި 2 މީހަކު ޝަހީދުވެއްޖެ

އިޒްރާއިލްގެ ސިފައިން ފަލަސްޠީނުގެ ޣައްޒާއަށް ދިން ހަމަލާއެއްގައި 2 މީހަކު ޝަހީދު ވެއްޖެއެވެ.

އިއްޔެ އިޒްރާއިލުން ޣައްޒާ އަށް ދިން ހަމަލާތަކުގެ  ސަބަބުން 12 މީހަކު ޝަހީދު ވެފައި ވާކަމަށް އަލްޖަޒީރާއިން ވަނީ ބުނެފައެވެ.

އަލްޖަޒީގައި ބުނެފައިވަނީ ޣައްޒާގެ މީހުން ދިރިއުޅޭ ސަރަހައްދަށް އިޒްރާއިލް ސިފައިން ދިން ހަމަލާގައި އިޒްރާއިލް ސިފައިންގެ 40 މިލިޓަރީ އެއަރކްރާފްޓަކާއި ޑްރޯންސް ބޭނުން ކޮށްފައިވާ ކަމަށެވެ.

އަދި މި ހަމަލާތަކުގެ ސަބަބުން 12 މީހަކު ޝަހީދު ވެފައި ވާކަމަށްވެސް އަލްޖަޒީރާގައި ބުނެފައިވެއެވެ. ފަލަސްޠީނުގެ ހެލްތް މިނިސްޓްރީ އިން ބުނެފައިވަނީ ޝަހީދުވި 12 މިހުންގެ ތެރެއިން 9 މީހުންނަކީ ޢާންމު ރައްޔިތުން ކަމަށެވެ. އަދި މި ހަމަލާތަކުގެ ސަބަބުން 20 މީހަކަށް އެކި ވަރުގެ ޒަހަމްތައް ލިބިފައި ވާކަމަށާއި އެ 20 މީހުންނަކީ ވެސް ހަމަ ޢާންމުން ކަމަށެވެ.

އިޒްރާއިލުން ބުނެފައިވަނީ އެމީހުންގެ ހަމަލާތައް އަމާޒުކުރެވުނީ ހަތިޔާރު އުފައްދާ ގެންގުޅޭ 10 ސައިޓަކަށް  ކަމަށެވެ.

އިޒްރާއިލްގެ މި ހަމަލާތަކުގެ ސަބަބުން ފަލަސްޠީނުގައި ހަރަކާތްތެރިވާ ފަލަސްޠީންގެ އިސްލާމިކް ޖިހާދުގެ ތިން ލީޑަރަކާއި އެމީހުންގެ އަނބިން އަދި ބައެއް ކުދިން ޝަހީދިވެފައި ވާކަމަށް އެޖަމާޢަތުން ވަނީ ބުނެފައެެވެ. މި ކަމާއި ގުޅޭ މާބޮޑު ތަފްސީލެއް އެޖަމާއަތުން ހާމަ ކޮށްފައެއް ނުވެއެވެ.

ހަމަލާތަކުގެ ސަބަބުން މުޅި ޣައްޒާ ދަނީ ކަރުނަ އަޅަމުންނެވެ.