ޣައްޒާ އަށް ދޭ ހަމަލާތައް އަދިވެސް ކުރިއަށް

އިޒްރާއިލުން ފަލަސްޠީނުގެ ޣައްޒާ އަށް ދެމުންދާ ހަމަލާތައް އަދިވެސް ދަނީ ކުރިއަށެވެ.

މިއަދު އިޒްރާއިލުން ޣައްޒާ އަށް ދިން ވައިގެ ހަމަލާތަކުގެ ސަބަބުން އެކަކު ވަނީ ޝަހީދުވެފައެވެ. އަދި އެކިވަރުގެ ޒަހަމްތަކާއި އެކު އެކަކު ދަނީ ފަރުވާ ހޯދަމުން ކަމަށް އަލްޖަޒިރާގައި ބުނެފައިވެއެވެ.

އަލްޖަޒީރާގައި ބުނެފައިވަނީ އިޒްރާއިލުން ވައިގެ މަގުން ދިން މި ހަމަލާތައް ޣައްޒާގެ އެކި ހިސާބުތަކަށް އަރައިފައިވާ ކަމަށެވެ.

އަދި އެހަމަލާތައް އައިސްފައިވަނީ އިޒްރާއިލް މީހުން ދިރިއުޅޭ ހިސާބުން ކަމަށާއި، އަދި ހަމަލާތައް އަމާޒުވެފައި ހުރީ ޣައްޒާއަށް ކަމަށެވެ.

ޣައްޒާގައި ހުރެގެން ރިޕޯޓް ކުރަމުންދާ އަލްޖަޒިރާގެ ރިޕޯޓަރު ބުނެފައިވަނީ ޣައްޒާގެ ރައްޔިތުން ތިބީ އެލާޓްގައި ކަމަށެވެ. ހަމަލާ އަންނާނީ ކޮން ވަގުތަކު ކަން ނޭނގޭތީ، އެމީހުން ތިބީ ސިހިސިހި ކަމަށެވެ.

ސްކޫލްތަކާއި އޮފީސްތައް އަދި ވިޔަފާރި ތައް ބަންދު ކޮށް، މީހުން މަސައްކަތް ކުރަމުންދަނީ ގެއިން ނުނިކުމެ ވޭތޯ ކަމަށެވެ.
އިއްޔެވެސް އިޒްރާއިލުން ވަނީ ޣައްޒާ އަށް ވަރުގަދަ ވައިގެ ހަމަލާތަކެއް ދީފައެވެ. މިހަމަލާތަކުގެ ސަބަބުން 13 މީހަކު ޝަހީދުވެފައި ވެއެވެ. އޭގެ ފަހުން ހަމަ އިއްޔެ ދިން އެހެން ހަމަލާއެއްގެ ސަބަބުން 2 މީހަކު ޝަހީދުވެފައިވެއެވެ.

މީގެ އިތުރުން ޤިބްތިއްޔާ އަވަށުގައި ދިން ބަޑީގެ ހަމަލާ ތަކުގެ ސަބަުބުން 2 ޒުވާނަކު ވަނީ ޝަހީދުވެފައެވެ. އޭގެ ތެރެއިން 15 އަހަރުގެ ޒުވާނާ ޝަހީދުވެފައި ވަނީ މެޔަށް ވަޒަން އެރުމުގެ ސަބަބުންނެވެ.