ލ.ގަމުގައި ކާރަކާއި ސައިކަލެއްޖެހި ނުރައްކާތެރި އެކްސިޑެންޓެއް؛ އެކަކު ނިޔާވެއްޖެ!
ލ. ގަމު ލިންކް ރޯޑްގައި ކާރަކާއި ސައިކަލެއް ޖެހި އިއްޔެ ހިނގި ނުރައްކާތެރި އެކްސިޑެންޓުގައި މީހަކު ނިޔާވެއްޖެެއެވެ.
ފުލުހުންގެ މީޑިއާ އޮފިޝަލަކު މިއަދު ވިދާޅުވީ، ގަމު ލިންކް ރޯޑްގައި ކަރާކައި ސައިކަލެއް ޖެހި އެކްސިޑެންޓެއް ހިނގާފައިވާ ކަމަށް އިއްޔެ އިރުއޮއްސި 6:25 ހާއިރު ފުލުހުންނަށް ރިޕޯޓް ކޮށްފައިވާ ކަަމަށެވެ.
އަދި މި އެކްސިޑެންޓްގައި ސައިކަލު ދުއްވި މީހާ އާއި ކާރުގައި ތިބި ދެ މީހުންގެ ތެރެއިން އެކަކަށް އަނިޔާވެގެން ގަމު ރީޖަނަލް ހޮސްޕިޓަލަށް ގެންގޮސްފައިވާ ކަމަށްވެސް އޮފިޝަލް ވިދާޅުވިއެވެ.
މިއާއެކު މީޑިއާ އޮފިޝަލް ވިދާޅުވީ އެ ދެ މީހުންގެ ތެރެއިން ސައިކަލު ދުއްވި މީހާ އަށް ހޮސްޕިޓަލުގައި ފަރުވާދެމުން ދަނިކޮށް ނިޔާވެފައިވާ ކަަމަށް ރޭ 1:51 ހާއިރު ހޮސްޕިޓަލުން ފުލުހުންނަށް ރިޕޯޓްކޮށްފައިވާ ކަމަށެވެ.
އަދި ނިޔާވެފައި ވަނީ 41 އަހަރުގެ ދިވެހި ފިރިހެނެއް ކަމަށާ، އެ މިހާއަކީ ސައިކަލު ދުއްވުމުގެ ލައިސަންސް އޮންނަ މީހެއް ކަމަށެވެ.
އަދި މި ހާދިސާގައި އެކްސިޑެންޓްވި ކާރު ދުއްވަން އިނީ 28 އަހަރުގެ ދިވެހި ފިރިހެނެއް ކަަމަށާއި، އޭނާއަށް ހޮސްޕިޓަލުގައި ފަރުވާދެމުންދާ ކަމަށްވެސް އޮފިޝަލު ވިދާޅުވިއެވެ. އަދި އޭނާގެ އަތުގައި ކާރު ދުއްވުމުގެ ލައިސަންސް ނެތް ކަމަށް ވިދާޅުވިއެެވެ.
ފުލުހުން ދަނީ މި މައްސަލަ އިތުރަށް ތަހުގީގު ކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
