އިޒްރޭލު ދިފާއީ ވަޒީރު ފަލަސްތީނު ރައްޔިތުން ސިފަކުރީ "އިންސާނި ހައިވާނުން" ގޮތަށް
ފަލަސްޠީނުގެ ހަނގުރާމަ ވެރިން އިޒްރާއިލަށް ދިން ވަރުގަދަ ކުއްލި ހަމަލާތަކުގެ ސަބަބުން ފެށިފައިވާ ހަނގުރާމަގައިގައި އިޒްރާއިލްގެ ޔަހޫދީން ހަނގުރާމަ ކުރަމުންގެންދަނީ އިންސާނީ ހައިވާނުންނާއި ކަމަށް އިޒްރާއިލްގެ ދިފާޢީ ވަޒީރު ޔޮވާވް ގަލާންތް ބުނެފިއެވެ.
ޔަހޫދީންގެ ދިފާޢީ ވަޒީރުގެ ވާހަކައިގައި ބުނެފައިވަނީ އިޒްރާއިލްގެ ޔަހޫދީން ހަނގުރާމަ ކުރަމުންދަނީ އިންސާނީ ހައިވާނުންނާއި ކަމަށާއި އަދި ހަނގުރާމައިގައި ޢަމަލުކުރަމުންދާނީ އެބީދައިން ކަމަށެވެ.
އިޒްރާއިލްގެ ޔަހޫދީންގެ ހަމަލާތައް އަމާޒުކުރަމުންދަނީ ޣައްޒާގެ ޢާންމުން ދިރިއުޅޭ ގެތަކަށެވެ. ހުއްޓުމެއްނެތި ވަރުގަދަ ހަމަލާތައް ދެމުންދާއިރު ގިނަ ޢިމާރާތްތައް ވަނީ ބިމާއި ހަމަވެފައެވެ.
ރޭ ދިން ހަމަލާތަކުގައިވެސް 15 ގެއެއް ބިމާއި ހަމަވެ ހަލާކުވެފައިވާ ކަމަށް ޣައްޒާއިން "ވޮއިސް" އަށް ދިން މަޢުލޫމާތުގައި ބުނެފައިވެވެ. އަދި އިޒްރާއިލްގެ ޔަހޫދީން ޢާންމުންގެ ގެތަކަސް ހަމަލާދީފައިވަނީ އެއްވެސް ކަހަލަ އެލާޓެއް ދިނުމަކާއި ނުލައި ކަމަށް ވެސް ބުނެފައިވެއެވެ.
އިޒްރާއިލުން ހޯމަ ދުވަހުގެ ރޭ ޣައްޒާ އަށް ދިން ހަމަލާތަކުގައި މަނާ ހަތިޔާރުގެ ބޭނުންވެސް ވަނީ ކޮށްފައެވެ.
އިޒްރާއިލްގެ ހަމަލާތަކުގެ ސަބަބުން ޝަހީދުވެފައިވާ ފަލަސްޠީނުގެ މީހުންގެ ޢަދަދު 300 އިން މައްޗަށް އަރައިފައިވާއިރު އޭގެ ތެރޭގައި ގިނަ ޢަދަދެއްގެ ކުޑަކުދިންނާއި އަންހެނުން އަދި ޢުމުރުން ދުވަސްވީ މީހުން ހިމެނެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
