ފަލަސްޠީން އިޒްރާއިލް ހަނގުރާމަ: ޝަހީދުންގެ ޢަދަދު 1417 އަށް އަރައިފި

ފަލަސްޠީނުގެ މިނިވަންކަމަށްޓަކައި ހަނގުރާމަ ކުރަމުންދާ ހަނގުރާމަވެރިން ފާއިތުވި ހޮނިހިރު ދުވަހު ދިން ކުއްލި ހަމަލާތަކުގެ ރައްދެއްގެ ގޮތުގައި އިޒްރާއިލްގެ ހައްދުފަހަނައެޅި ޔަހޫދީން ޣައްޒާއަށް ދެމުންދާ ހަމަލާތަކުގައި ޝަހީދުވި މީހުންގެ ޢަދަދު 1417 އަށް އަރައިފައިވާ ކަމަށް ފަލަސްޠީނުގެ ސިއްޚީ ވުޒާރާއިން ބުނެފިއެވެ.

ފަލަސްޠީނުގެ ސިއްޚީ ވުޒާރާއިން އެންމެ ފަހުން ނެރެފައިވާ އަދާހަމަތަކުގައި ބުނެފައިވަނީ ޝަހީދުވި މީހުންގެ ޢަދަދު 1417 އަށް އަރައިފައިވަ ކަމަށާއި އޭގެ ތެރޭގައި 447 ކުޑަކުދިން ހިމެނޭއިރު، 248 އަންހެނުން ހިމެނެއެވެ.

ޣައްޒާގެ އެކި ދިމާއަށް ދިން ހަމަލާތަކުގައި އެކިވަރުގެ ޒަޚަމްތައް ލިބުނު މީހުންގެ ޢަދަދު ވަނީ 6268 އަކަށް ވަނީ އަރައިފައެވެ. އޭގެ ތެރޭގައި 1531 ކުޑަކުދިންނާއި، 932 އަންހެނުން ހިމެނެއެވެ.

އިޒްރާއިލްގެ ޔަހޫދީންގެ ހަމަލާތަކުގެ ސަބަބުން 14 މެޑިކަލް ފެސިލިޓީއަކަށް ގެއްލުންވެފައި ވާއިރު 10 މެޑިކަލް ސްޓާފެއްވަނީ ޝަހީދުވެއްޖެއެވެ.

އިޒްރާއިލްގެ ޔަހޫދީން މިއަދު ޣައްޒާއަށް ދިން ހަމަލާއެއްގައި ޣައްޒާގެ ސެޙާބް ޢާއިލާގެ 44 މެމްބަރަކު ވަނީ ޝަހީދުވެފައެވެ. މުޅި ޢާއިލާއިން ސަލާމަތްވެފައިވަނީ 6 މެމްބަރެކެވެ. އެޢާއިލާގެ ޝަހީދުވި  މެމްބަރުގެ ޢުމުރަކީ 3 އަހަރެވެ.