އިންޑިޔާ މީހުން މާފަންނުކޮޅު %83 ވިޔަފާރި އަތުލައިގެންފި: މުސްތަފާ
މާލޭގައި ހިންގާ ވިޔަފާރިތަކަށް އިންޑިއާގެ ނުފޫޒު އިންތިހާއަށް ބޮޑު ވެފައިވާ ކަމަށް ބުނެ ތިމަރަފުށީ ދާއިރާގެ ކުރީގެ މެންބަރު މުހައްމަދު މުސްތަފާ ނުރުހުން ފާޅުކުރައްވައިފިއެވެ.
މުސްތަފާ މިއަދު ކުރެއްްވި ޓުވީޓެއްގައި ވިދާޅުވީ، މާފަންނުކޮޅުގައި ހިންގަމުންދާ ވިޔަފާރީގެ %83 ވިޔަފާރި، އިންޑިއާ މީހުން އަތުލައިގެންފައިވާ ކަމަށެވެ. އެގޮތުން ރީޓެއިލް ފިހާރަތަކާއި، ރެސްޓޯރެންޓް ތަކާއި ހޮޓާތައް ފަދަ ހުރިހާ ވިޔަފާރިއެއް އިންޑިޔާ މީހުން އަތުލައިގެންފައިވާ ކަމަށް އޭނާ ވިދާޅުވި އެވެ.
މިއާއެކު މުސްތަފާ ވިދާޅުވީ ދައުލަތުގެ ޓެކްސް އިދާރާ، މީރާއިން އިން ކުރާ ކަމަކީ ދިވެހި ރައްޔިތުންގެ ފަހަތުން ޓެކްސް ނަގަން ދުވުމުގެ މަސައްކަތް ކަމަށެވެ.
އަދި އޭނާ ވަނީ މި ސަރުކާރަކީ "ހަރާމީ" ސަރުކާރެއްގެ ގޮތުގައި ސިފަކުރައްވާފަ އެވެ.
ދިވެހިރާއްޖެއަށް އިންޑިއާގެ ނުފޫޒު އިންތިހާއަށް ގަދަ ވެފައިވާ މައްސަލަ އާއި ގުޅިގެން އިދިކޮޅު ފަރާތްތަކުންވެސް އަންނަނީ ތަކުރާރުކޮށް ކަންބޮޑުވުން ފާޅުކުރަމުންނެވެ. އަދި ރާއްޖޭގައި ހިންގާ ބައެއް މަޝްރޫއުތައް އިންޑިއާއާއި ހަވާލުކޮށް އެކަން ކަން ކުރިއަށް ނުދާ ކަމުގެ ޝަކުވާ ރައްޔިތުން ކުރަމުންދާއިރު، ރާއްޖެއާއި އިންޑިއާ އާއި ދެމެދު ވެފައިވާ ގޮތް ނޭނގޭ އެގްރިމެންޓް ތަކުގެ ހަގީގަތް މިހާތަނަށްވެސް ސަރުކާރުން ހާމަ ނުކުރާތީ އިދިކޮޅުން އަންނަނީ އިންތިހާއަށް ކަންބޮޑުވުން ފާޅުކުރަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
