ބޮޑު މުސާރައާއެކު އެމްޓީސީސީން ބަސް ޑްރައިވަރުން ހޯދަނީ
ބޮޑު މުސާރަ އާއި އެކު އެމްޓީސީސީން ބަސް ޑްރައިވަރުން ހޯދަން އިއުލާން ކޮށްފި އެވެ.
އެމްޓީސީސީން ބުނީ، އެ ކުންފުނީގެ ބަސް ޑްރައިވަރުންނަށް ވާން ބޭނުންވާ ފަރާތްތަކުގެ ވޯކް-އިން އިންޓަވިއު މިއަދު ހަވީރު 4 އިން 6 އަކަށް އެމްޓީސީސީ ހެންވޭރު ފެރީ ޓާމިނަލުގައި އޮންނާނެ ކަމަށެވެ.
އަދި މި ވޯކް-އިން އިންޓަވިއުއަށް އަންނައިރު ކުރިމަތިލާ ފަރާތުގެ އައިޑީ ކާޑާއި ބީ2 ލައިސަންސް ގެންދިއުމަށް އެ ކުންފުނިން ވަނީ އެދިފައެވެ.
މި ވަޒީފާއަށް މީހުން ކަނޑައެޅުމުގައި މަސައްކަތު ތަޖުރިބާ އަދި އިންޓަވިއުއަށް ބަލާއިރު، ވަޒީފާއަށް ހޮވޭނީ އެންމެ މަތިން މާކްސް ލިބޭ މީހުންނަށް ކަމަށް އެމްޓީސީސީން ބުނެއެވެ.
އެމްޓީސީސީގެ ބަސް ޑްރައިވަރަކަށް މުސާރައިގެ ގޮތުގައި 12،000 އާއި 18،000 ރުފިޔާއާ ދެމެދުގެ އަދަދެއް ލިބޭ އިރު، މެޑިކަލް އިންޝުއަރެންސްގެ އިތުރުން ތަމްރީނުގެ ފުރުސަތުތަކާއި ކެރިއާ ޑިވެލޮޕްމަންޓް ފުރުސަތުތައްވެސް އެ ކުންފުނިން ދޭނެ ކަމަށް ބުނެފައިވެއެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
