އެމްޓީޑީ އިން ރައީސް ޞާލިޙާއި ބައްދަލުކޮށްފި
މޯލްޑިވްސް ތާޑްވޭ ޑިމޮކްރެޓްސް (އެމްޓީޑީ) އިން ރައީސް އިބްރާހިމް މުޙައްމަދު ޞާލިޙާއި ބައްދަލު ކުރައްވައިފިއެވެ.
އެޕާޓީގެ ޓްވިޓަރ އެކައުންޓުން ކޮށްފައިވާ ޓްވީޓެއްގައި ބުނެފައިވަނީ ރައީސް ޞާލިޙާއި ބައްދަލުކޮށްފައިވާ ކަމަށާއި، އެބައްދަލުވުމުގައި ރާއްޖޭގެ ސިޔާސީ މަސްރަހާއި ގުޅޭ ގޮތުންނާއި ރާއްޖެއަށް ދިމާވެފައިވާ އެކިއެކި ކަންކަމާއި ގުޅޭ ގޮތުން ފައިދާހުރި މަޝްވަރާތަކެއް ކުރެވުނު ކަމަށް އެޕާޓީ އިން ބުނެފައިއެވެ.
އެޕާޓީ އިން ރައީސް ޞާލިޙާއި ބައްދަލުކުރި ނަމަވެސް އިންތިޚާބުގެ ދެވަނަ ބުރުގައި ރައީސް ޞާލިޙަށް ތާއީދު ކުރާ ކަމެއް ނުވަތަ ނޫން ކަމެއްވެސް އެޕާޓީ އިން އިޢްލާނުކޮށްފައެއް ނުވެއެވެ.
އެމްޓީޑީ އަކީ ކުރީގެ ނައިބު ރައީސް އަޙްމަދު އަދީބު އުފައްދައިފައިވާ ޕާޓީއެކެވެ.
އަދީބު އަކީ އެމްއެމްޕީއާރްސީގެ މައްސަލައިގައި ޖަލު ޙުކުމެއް އައިސްފައިވާ އަދި ޖަލު ޙުކުމް ތަންފީޒު ކުރަމުންދާ މީހެކެވެ. އޭނާ މިވަގުތު ހުންނެވީ ބޭސްފަރުވާއަށް ސިންގަޕޫރުގައެވެ.
އަދީބުގެ މައްޗަށް އިއްވައިފައިވަނީ 20 އަހަރުގެ ޖަލު ޙުކުމެކެވެ. ޖަލު ޙުކުމްގައި ހުންނެވިޔަސް އަދީބު ގެ ބޭސް ފަރުވާގެ މުއްދަތު 2 ފަހަރުގެ މަތިން ސަރުކާރުން ވަނީ އިތުރުކޮށްދެއްވާފައެވެ. އަދި ތިންވަނަ ފަހަރަށް އިތުރު ކޮށްދިނުމަށް ވެސް ވަނީ އެދިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
