ޖޫރިމަނާގެ ގޮތުގައި ރިސޯޓުތަކުން ނުދައްކާ ހުރި 4 ބިލިއަނަށްވުރެ ގިނަ ރުފިޔާ މާފުކޮށްފި!
ރާއްޖޭގައި ހަދަމުންދާ ބައެއް ރިސޯޓުތަކުން ބިމު ކުލީގެ ގޮތުގައި ދައްކަންޖެހޭ ފައިސާ ނުދައްކާ ހުރެގެން އަރާފައިވާ ޖޫރިމަނާތައް މަޢާފްކޮށްދީފިއެވެ.
ރިސޯޓު ކުލީގެ ޖޫރިމަނާ ރީސްޓްރަކްޗާ ކުރުމުގެ ތެރެއިން މާފުކޮށްފައިވާ ޖުމްލަ ޖޫރިމަނާގެ އަދަދު 4 ބިލިއަނަށްވުރެ ގިނަ ކަމަށް މައުލޫމާތު ލިބެއެވެ. 2020 އަހަރުތެރޭގައި އައި ކޮވިޑާއި ގުޅިގެން އޭރު ހަދަމުން ދިޔަ ގިނަ ރިސޯޓުތަކަށް ކުލި ނުދެއްކި ހުރި އިރު، ރިސޯޓު ކުލި ނުދައްކާ ކޮންމެ ދުވަހަކަށް ޖޫރިމަނާގެ ގޮތުގައި އަރާ މިންވަރު 0.5 ޕަސެންޓުން 0.0493 ޕަސެންޓަށް، އޭރު ކުޑަކުރި އެވެ.
އެއަށްފަހު ރިސޯޓް ތަކެއްގެ ކުލި މަޢާފު ކޮށްދީފައިވާއިރު، އެއާއެކު ދައުލަތަށް ލިބެންޖެހޭ ވަރަށް ގިނަ އަދަދެއްގެ ފައިސާ ގެއްލިގެންދާނެއެވެ.
މީރާގެ އެންމެ ފަހުގެ ތަފާސްހިސާބުތަކުން އެނގޭ ގޮތުން ރިސޯޓު ކުލީގެ ޖޫރިމަނާގެ ގޮތުގައި 13.4 ބިލިއަން ރުފިޔާ ނުދައްކާ އެބަހުއްޓެވެ. އަދި ރިސޯޓު ކުލީގެ ގޮތުގައި އެކަނި ވެސް 3.4 ބިލިއަން ރުފިޔާ ނުލިބި އެބަހުއްޓެވެ.
ސަރުކާރުން ރިސޯޓް ކުލީގެ ޖޫރިމަނާ މައާފު ކޮށްފައިވާއިރު, ދާދިފަހުން ވަނީ މިސަރުކާރުން ކޮށްފައިވާ ޕާކިންގ ޖޫރިމަނާގެ ފައިސާތައް ވެސް މަޢާފު ކޮށްދީފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
