އިރާގުގެ ބޮޑުވަޒީރަށް އަރާގްޗީ: ސިޔާސީ ގުޅުންތައް ހީނަރުކުރީ އެމެރިކާއިން

ހަނގުރާމަ ނިންމާލުމަށް ގާއިމުކުރި ސިޔާސީ ގުޅުންތައް ހީނަރުކުރީ އެމެރިކާއިން ކަމަށް އީރާނުގެ ހާރިޖީ ވަޒީރު އަރާގްޗީ އިރާގުގެ ބޮޑުވަޒީރު އަލީ އަލް ޒައިދީއާ ދިމާލަށް ބުނެފިއެވެ.

އަރާގްޗީ މިހެން ބުނެފައިވަނީ، ބަގްދާދުގައި ބާއްވަމުންދާ އޯއައިސީގެ ބައްދަލުވުމުގެ ސައިޑްލައިންގައި އިރާގުގެ ބޮޑުވަޒީރާ ކުރި ބައްދަލުވުމެއްގައި ވާހަކަދައްކަމުންނެވެ. އެގޮތުން، އޭނާ ވަނީ ހަނގުރާމަ ނިންމާލުމުގެ ސިޔާސީ މަސައްކަތްތައް އެމެރިކާއިން ހަލާކުކުރި ކަމަށް ތުހުމަތުކޮށްފައެވެ.

އޯއައިސީގެ ފޮރިން މިނިސްޓަރުންގެ ބައްދަލުވުމުގެ ތެރެއިން، އީރާނުގެ ފޮރިން މިނިސްޓަރު އައްބާސް އަރާގްޗީ އިރާގުގެ ބޮޑުވަޒީރު އަލީ އަލް ޒައިދީއާ ބައްދަލުކުރިކަމަށް އީރާނުގެ ރަސްމީ ނޫސް އޭޖެންސީ އިރްނާއިން ރިޕޯޓުކޮށްފައިވެއެވެ.

އެ ބައްދަލުވުމުގައި އަރާގްޗީ ބާރުއަޅާފައިވަނީ މުސްލިމް ދުނިޔެ ކުރިމަތިލާފައިވާ މައްސަލަތައް، ހާއްސަކޮށް ފަލަސްތީނުގެ މައްސަލަ ހައްލުކުރުމަށް އޯއައިސީގެ ގާބިލުކަން ބޭނުންކުރުމުގެ މުހިންމުކަމަށެވެ. އަދި އީރާނާއި އިރާގުގެ ދެމެދުގައި އޮތް ގުޅުން އިތުރަށް ފުޅާކުރުމަށް ވެސް އޭނާ ގޮވާލާފައިވެއެވެ.

ހުޅަނގު އޭޝިއާގައި ރައްކާތެރިކަން ނެތުމުގެ މައިގަނޑު ސަބަބަކީ އިސްތިއުމާރީ އިޒްރޭލު ކަމަށް ވެސް އަރާގްޗީ ބުނެފައިވެއެވެ.

ދެ ފަރާތުގެ މަޝްވަރާތަކުގައި ސައުދީ އަރަބިއްޔާއާއި ޔަމަނާ ދެމެދު ހިނގަމުންދާ ކުރިމަތިލުން، ޔަމަނަށް ކަނޑުމަގުން އަޅާފައިވާ ބުރިޔާދު ނިންމާލުމަށް އެހީތެރިވެވޭނެ ގޮތްތަކާއި ކެނޑުން ކުޑަކުރުމުގެ މަސައްކަތްތައް ވެސް ހިމެނިފައިވާ ކަމަށް ރިޕޯޓުތައް ބުނެއެވެ.

އަރާގްޗީ ބުނީ އެއްބަސްވުންތައް މުގުރާލައި ބާރުގެ ބޭނުންކުރުމުގެ ސަބަބުން، ހަނގުރާމަ ނިންމާލުމަށް ކުރި ޑިޕްލޮމެޓިކް މަސައްކަތްތައް ހަލާކު ކުރީ އެމެރިކާ ކަމަށެވެ.

އޯއައިސީގެ ފޮރިން މިނިސްޓަރުންގެ ބައްދަލުވުން ބާއްވަމުން ދަނީ އިރާގުގެ ވެރިރަށް ބަގްދާދުގައެވެ.