ދިވެހިލީގް ކޮލިފައިން؛ ހުރާ، ގްރީން ސްޓްރީޓް މެޗް އެއްވަރު

ދިވެހިލީގް ކޮލިފައިންގައި މިއަދު ހަވީރު ހުރާ އާއި ގްރީން ސްޓްރިޓް ބައްދަލުކުރިމެޗް އެއްވަރުވެގެން ނިމިއްޖެއެވެ.

ގަލޮޅު ދަނޑުގައި ކުޅުނު މިމެޗް ނިމުނީ 1-1 ގެ ނަތީޖާއަކުންނެވެ. ފޯރިގަދަ ކުޅުމެއް ފެނިގެންދިޔަ މި މެޗްގައި އެންމެ ފުރަތަމަ ލަނޑެއް ޖަހައި ކުރި ހޯދީ ގްރީން ސްޓްރީޓުންނެވެ. އެއީ މެޗްގެ 31 ވަނަ މިނެޓް ތެރޭގައި ހުޒާމް ކާމިޔާބުކޮށްދިން ލަނޑުންނެވެ.

ގްރީން ސްޓްރީޓުން ލީޑް ނަގާފައިވަނިކޮށް ހުރާއިން އެއްވަރުކޮށްފައިވަނީ ދެވަނަ ހާފްގެ ތެރޭގައެވެ. ހުރައަށް އެއްވަރުކޮށްދިން ލަނޑު ޖަހައިދިނީ ސާދު އެވެ.

މެޗްގައި ދެޓީމަށްވެސް ލަނޑު ޖަހާނެ ރަނގަޅު ފުރުސަތުތައް ލިބި ވަނީ ބޭނުންނުކުރެވި ގޮސްފައެވެ.

ކޮލިފައިންގައި ދެން ހުރާ ބައްދަލުކުރަން ޖެހޭނީ ދެކުނު ރީޖަންގެ ޗެމްޕިއަން ގައްދޫ އާ ދެކޮޅަށެވެ. އަދި ގްރީން ސްޓްރީޓް ބައްދަލުކުރާނީ މާލޭ ސަރަހައްދުގެ ޗެމްޕިއަން ބިސް ބުރާ ދެކޮޅަށެވެ.