ޑިމޮކްރެޓްސްގެ 99 އިންސައްތަ މެމްބަރުން އެމްޑީޕީ ފަޅިއަށް އަރާނެ: ހަލީމް

ރިޔާސީ އިންތިހާބުގެ ދެވަނަބުރުގައި ޑިމޮކްރެޓްސްގެ 99 އިންސައްތަ މެމްބަރުން އަރަމުން ދަނީ އެމްޑީޕީ ކޮޅަށް ކަމަށް ރައްޔިތުން މަޖިލީހުގެ ބިލަތްދޫ ދާއިރާގެ މެންބަރު އަހްމަދު ހަލީމް (ދޮންބިލެތް) ވިދާޅުވެއްޖެއެވެ.

މި މަހުގެ 30 ވަނަ ދުވަހު ބޭއްވުމަށް ހަމަޖެހިފައިވާ ރިޔާސީ އިންތިހާބުގެ ދެވަނަބުރުގެ ކެމްޕެއިންގައި ރޭ އެމްޑީޕީން ބޭއްވި ގަލޮޅުގައި ބޭއްވި ކަންމަތީ ބައްދަލުވުމުގައި ދޮންބިލެތް ވިދާޅުވީ، މިދިޔަ ތިން ދުވަހުގެ ތެރޭގައި ނަތީޖާ ބަދަލުވަމުންދާ ކަމަށެވެ. ރައީސް އިބްރާހިމް މުހައްމަދު ސޯލިހް މީގެކުރިން ވިދާޅުވެފައިވާ ގޮތުގައި ފައިނަލް މެޗުގެ ފުރަތަމަ ހާފް ނިމުނު އިރު އޮތީ 3-1 އިން ކުރީގައެވެ. އެކަމަކު، ދޮންބިލެތް ވިދާޅުވީ ރެއާ ހަމައަށް އައިއިރު 3-3 އިން އެއްވަރުވެފައިވާ ކަމަށެެވެ. އަދި ދެވަނަ ބުރުގެ ވޯޓުލުން އޮންނަ ދުވަހު ތިން ގޯލް ޖަހަން ޖެހޭ ކަމަށް އެނާ ވިދާޅުވިއެވެ.

މީގެ އިތުރުން 2018 ވަނަ އަހަރުގެ ރިޔާސީ އިންތިހާބުގައި އެމްޑީޕީން ދޮންނަ މެޝިނަކާއި އުވަގަށާ މެޝިނަށާއި ތެލިތައްޓަށް ވޯޓުލައިގެން ޕްރައިމަރީއަކުން އިއްތިފާގުވީ ރައީސް ނަޝީދަށް ރިޔާސީޓިކެޓު ދިނުމަށްކަމަށާއި ނަމަވެސް ކުރީގެ ރައީސް  ޔާމީން އަބްދުލްގައްޔޫމާއި ޕީޕީއެމް/ޕީއެންސީގެ ރިޔާސީ ކެންޑިޑޭޓު އަދި އޭރުގެ ހައުސިން މިނިސްޓަރު ޑރ. މުހައްމަދު މުއިއްޒުގެ ސަރުކާރުގައި ރައީސް ނަޝީދު "އެލުވައިގެން" ކޯޓަށް ވައްދައި ހުކުމެއް ކުރީ ކަމަށް އޭނާ ވިދާޅުވިއެވެ.

އެ ދުވަހުގެ ނަތީޖާއަކަށްވީ އެ ޓިކެޓު، އަޅުގަނޑުމެންނަށް މަޖުބޫރުވީ އެހެން ފަރާތަކަށް އެ ޓިކެޓު ހަވާލުކުރަން. 2018 ވަނަ އަހަރު އަޅުގަނޑުމެން އިންތިހާބާ ކުރިމަތިލީ ޕްރައިމަރީއަކާ ނުލައި، ރައީސް ސޯލިހަށް އަޅުގަނޑުމެން އާދޭހާއެކު އެތައް ފަހަރަކު ރައީސަށް ދަންނަވައިގެން، އަޅުގަނޑުގެ ހާޒިރުގައި އެތައް ދުވަހަކު އެތައް މީޓިންއެއް ހިނގައިގެން ގޮސް، އެންމެ ފަހުން ރައީސް ސޯލިހު އެއްބަސްވީ އެކަން އަޅުގަނޑުމެންނަށް ކޮށްދޭން

އަހްމަދު ހަލީމް

މީގެ އިތުރުންވެސް ދޮންބިލެތް ވިދާޅުވީ އެމްޑީޕީން ވެރިކަމަށް އައިސް، ތަރައްގީގެ އެތައް މަޝްރޫއުތަކެއް ރާއްޖޭގެ އެކިކަންކޮޅުތަކުގައި ކުރަމުންދާ ކަމަށާއި އެމްޑީޕީ ތެރޭގައި ޖެހުނު މައްސަލައިގެ ފައިދާ މިހާރު ނަގަމުން ދަނީ ޕީޕީއެމް/ޕީއެންސީ މެދުވެރިކޮށް ކަމަށެވެ. އަދި ގުއިރޯނުގައި ޖެހުމަކީ ދަ ޑިމޮކްރެޓްސްގެ މެމްބަރުން މުއިއްޒަށް ވޯޓުލުން ކަމަށް އޭނާ ވިދާޅުވިއެވެ.