ޗައިނާގައި އިލެކްޓްރިކް ކާރެއް މުޅިރޭ ހުއްޓުމެއްނެތި 868 ފަހަރު ޕާކުކުރަން މަސައްކަތްކޮށްފި
ޗައިނާގެ އަންހުއީ ޕްރޮވިންސްގެ މީހުން ދިރިއުޅޭ އިމާރާތެއްގެ ބިމު އަޑީގައި ހުރި ޕާކުކުރާ ސަރަހައްދެއްގައި، ޑްރައިވަރަކާ ނުލައި އޮތް އިލެކްޓްރިކް ކާރެއް މުޅިރޭ ހުއްޓުމެއްނެތި 868 ފަހަރު ޕާކުކުރަން މަސައްކަތްކޮށްފިއެވެ.
އެ އިމާރާތުގެ ސީސީޓީވީ ފުޓޭޖުތަކުން ފެންނަ ގޮތުގައި، އެ ކާރު ވަނީ މުޅިރޭ އެއްކޮށް ކުރިއަށާއި ފަހަތައް ޖެހި، ޕާކިންގް ޖާގައަށް އެންމެ ފުރިހަމައަށް ކާރު ވެއްދުމަށްޓަކައި ތަކުރާރުކޮށް މަސައްކަތް ކޮށްފައެވެ.
ކާރުގެ ތެރޭގައި އެއްވެސް މީހަކު ނެތްއިރު، ކާރު އަމިއްލައަށް ދުއްވަމުން ދިޔަ ގޮތުން އެއީ ސިސްޓަމަށް ދިމާވި މައްސަލައެއްކަން ފަހުން ވަނީ އެނގިފައެވެ.
އެ ރޭގެ ހާދިސާއަށްފަހު ކާރުގެ ވެރިފަރާތުން ކާރުގެ ޑޭޓާ ރެކޯޑްތައް ބަލައި ޗެކްކުރިއިރު، އެ ރެކޯޑްތަކުން ދައްކާ ގޮތުގައި އެރޭގެ އެކި ވަގުތުތަކުގައި ކާރުގެ އޮޓޮމެޓިކް ޕާކިންގް ފަންކްޝަން ވަނީ ޖުމްލަ 868 ފަހަރު އެކްޓިވޭޓް ވެފައެވެ.
މި ހާދިސާއާ ގުޅިގެން ގިނަ ބައެއްގެ ސަމާލުކަން މިކަމަށް ހުއްޓިފައިވާއިރު، ޒަމާނި އޮޓޮމެޓިކް ޓެކްނޮލޮޖީ ބޭނުންކުރާ އުޅަނދުތަކުގައި މިފަދަ ޓެކްނިކަލް މައްސަލަތައް ދިމާވުމަކީ އެކެށީގެންވާ ކަމެއްކަމަށް ޓެކްނޮލިޖީގެ މާހިރުން ވަނީ ފާހަގަކޮށްފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް