އިޒްރާއިލް އަށް ތާއީދު ކޮށް ވީޑިއޯ ޢާންމު ކުރުމަށްފަހު ޝަހީދު ޓްވިޓާއިން ފިލައިފި
ފަލަސްޠީނުގެ މުސްލިމުންނަށް ހައްޤުނޫން އެތައް އަނިޔާތަކެއް ދެމުން އަންނަ އިޒްރާއިލަށް ތާއީދު ކޮށް ވާހަކަ ދައްކާ ވީޑިއޯ އެއް އާންމު ކުރުމަށް ފަހު ރާއްޖޭގެ ކުރީގެ ފޮރިންގ މިނިސްޓަރ ޑރ އަހްމަދު ޝަހީދު ޓްވިޓަރ އެކައުންޓް "ޑީއެކްޓިވޭޓް"ކޮށްފިއެވެ.
ޝަހީދު އިޒްރާއިލަށް ތާއީދު ކޮށް ޢާންމުކުރި ވީޑިއޯ ގައި ހަމާސް އިން އިޒްރާއިލުން ފަލަސްޠީނުގެ ބިމުން ގަދަކަމުން ފޭރިގަނެ ފައިވާ ސަރަހައްދަށް ހަމަލާ ދިނުން ކުށްވެރިކޮށްފައިވެއެވެ.
ހަމާސްއިން ދީފައިވާ ޓެރަރިސްޓް ހަމަލާ ތައް ހިޔާލަށްވެސް ނުގެނެވޭ ކަމަށާއި، އެފަދަ ޖަރީމާތަކަށް ޖާގަ އޮވެގެން ނުވާނެ ކަމަށް ބުނެ ޝަހީދު ވާހަކަ ދައްކައިފައިވެއެވެ. އަދި މި ވީޑިއޯގައި ޝަހީދު ވަނީ އޭނާ އިޒްރާއިލަށް ތާއީދު ކުރާކަން ހާމަ ކޮށްފައެވެ.
ޝަހީދުގެ ވީޑިއޯ ޓްވިޓާގައި ޢާންމުވުމާއި އެކު ރާއްޖޭގެ ގިނަ ބަޔަކު ވަނީ އޭނާއަށް ވަރަށް ބޮޑަށް ފާޑު ކިޔައިފައިވެއެވެ.
ގިނަ ބަޔެއްގެ ނުރުހުމާއި ފާޑު ކިޔުންތައް އަމާޒުވުމުން ޝަހީދު ވަނީ އެވީޑިއޯ ޓްވިޓާއިން ނަގައި އޭނާގެ ޓްވިޓަރ "ޑިއެކްޓިވޭޓް" ކޮށްލައިފައެވެ.
ފަލަސްޠީނުގެ ކުށެއް ނެތް މުސްލިމުންނަށް އަމާޒުކޮށް ގެއްލުންދެނިވި ހަމަލާތައް ދެމުން އަންނައިރު ހުޅަނގުގެ މީޑިއާތަކުން ދަނީ އެމަމްޒަރުތަކާއި އެޚަބަރުތައް ދޮގުކުރަމުންނެވެ. ހުޅަނގުން މިގޮތައް މަސައްކަތް ކުރަމުން ދިޔަ ނަމަވެސް އެމީހުންގެ މުނާފިޤު ޢަމަލުތައް އަންނަނީ ދުނިޔެއަށް ހާމަވަމުންނެވެ.
އިޒްރާއިލްގެ ހަމަލާތަކުގައި 5000 އަކަށް ފަލަސްޠީން މީހުން ޝަހީދުވެފައިވާއިރު އޭގެ ތެރޭގައި ގިނައީ ކުޑަކުދިންނެވެ. ބައެއް ޢިމާރާތް ތަކުގެ ދަށުން ތުއްތު ކުދިންގެ ހަށިތަކުގެ ވަކިވަކި އެތިކޮޅުކޮޅުން ނަގާ ކޮތަޅުކޮތަޅަށް އަޅާ މަންޒަރު ދަނީ ފެންނަމުންނެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
