އިޒްރާއިލުން ފަލަސްޠީނުގެ މީހެއްގެ ގަޔަށް ބަޑިޖަހައި ޝަހީދުކޮށްލައިފި

އިޒްރާއިލް ސިފައިން ފަލަސްޠީނުގެ ހުޅަނގު އައްސޭރީގައި މީހެއްގެ ގަޔަށް ބަޑިޖަހައި ޝަހީދުކޮށްލައިފިއެވެ.

އަޤަބަތް ޖަބަރް ރެފިޔުޖީ ކޭމްޕްގައި އިޒްރާއިލް ސިފައިން ހިންގި މިލިޓަރީ ރެއިޑެއްގައި ޝަހީދުކޮށްލި މީހަކީ ސުލައިމާން އަޔުޝް ނަމަކަށް ކިޔާ މީހެކެވެ.

ޖެރިކޯގެ ގަވަރުނަރު ޖިހާދު އަބޫ އަސަލް ބުނެފައިވަނީ، ސުލައިމާން ގެ ގަޔަށް އޭނާ މަރުވަންދެން ބަޑިޖަހައިފައިވާކަމަށެވެ. މި ހާދިސާ ހިނގި ޖަބަރް ރެފިޔުޖީ ކޭމްޕަކީ އިޒްރާއިލް ސިފައިން އާންމުކޮށްވެސް ވަދެ ރެކިޑުގެ ނަމުގައި އާންމު ގޮތެއްގައިވެސް ފަލަސްޠީނުގެ މީހުންނަށް އެކިވަރުގެ އަނިޔާދޭ ސަރަހައްދަކަށް ވަނީ ވެފައެވެ.

އިޒްރާއިލް ސިފައިން ބުނެފައިވަނީ އެމީހުން އެސަރައްހައްދަށްވަނީ ހަތިޔާރުއެޅި ހަނގުރާމަވެރި ދެމީހުން ކަމަށް ޝައްކުކުރެވޭ ދެމީހަކު ހޯދުމަށް ކަމަށެވެ. އަދި އޭގެ ތެރެއިން އެކަކު ހައްޔަރު ކުރެވިފައިވާކަމަށްވެސް އިޒްރާއިލް ސިފައިން ވަނީ ބުނެފައެވެ.

އިޒްރާއިލް ސިފައިންނާއި ފަލަސްޠީނުގެ މީހުންނާއި ދެމެދު އޮތް ހަމަނުޖެހުންތައް ފާއިތުވި އަހަރު ވަރަށް ބޮޑުތަނުން ވަނީ އިތުރުވެފައެވެ.

އިޒްރާއިލުން ބުނަނީ އެމީހުން  ހަތިޔާރާއި އުކު ކުރިއަށް ގެންދާ ރެއިޑް ތަކަކީ އެސަރަހައްދުގެ ސަލާމަތަށްޓަކައި ކުރިއަށް ގެންދާ ރެއިޑް ތަކެއް ކަމަށެވެ. އެހެން ކަމުން އެ ރެއިޑުތައް މެދު ކަނޑާ ނުލެވޭނެ ކަމަށެ.

މި ފާއިތުވި މަހުން ފެށިގެން އިޒްރާއިލާއި ފަލަސްޠީނާއި ދެމެދު އޮތް ހަމަނުޖެހުން ތައް ވަނީ ވަރަށް ބޮޑުވެފައެވެ. ރަމަޟާން މަހު މަސްޖިދުލް އަޤްޞާގައި ރޭ އަޅުކަން ކުރަން ތިބި ބަޔަކު މިސްކިތް ތެރޭގައި ތިއްބައި އިޒްރާއިލް ސިފައިން ވަނީ ހަތިޔާރާއި އެކު މިސްކިތަށް ވަދެ މިސްކިތުގެ ހުރުމަތް ކަނޑައި އިޢްތިކާފަށް ތިބި މީހުންނަށް ހަމަލާވެސް ދީފައެވެ.