ރައީސް ނަޝީދު... ފޮޓޯ: ވޮއިސް
ރައީސް ނަޝީދު... ފޮޓޯ: ވޮއިސް
ހަބަރު 24 Oct 2026 | 14:31

އީގަލް ހިލްސް މަޝްރޫޢު ފުރިހަމަ، އަލައްބާރާއި ޔަހޫދީންނާ ގުޅުވޭކަށެއްނެތް: ރައީސް ނަޝީދު

އީގަލް ހިލްސް ކުންފުނީގެ ޗެއާމަން މުހައްމަދު އަލައްބާރާއި ޔަހޫދީންނާ ގުޅުވައިގެން ވާހަކަ ދެއްކޭނެ ޖާގައެއް ނެތް ކަމަށާއި، އެއީ ވަރަށް ރަނގަޅު މަޝްރޫއެއް ކަމަށް ކުރީގެ ރައީސުލްޖުމްހޫރިއްޔާ އަދި އެމްޑީޕީގެ ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.

ރަސްމާލޭގައި ވޯޓަރފްރަންޓް އަދި މެރީނާ މަޝްރޫއެއް ތަރައްގީކުރުމަށް އީގަލްސް ހިލްސް އާ ހަވާލުކޮށްފައިވާއިރު، މި ބޮޑު މަޝްރޫއު ހިންގުމަށް ސަރުކާރުން ނިންމި ނިންމުމާ ގުޅިގެން އިދިކޮޅު ފަރާތްތަކުން ފާޅުކުރަމުންދާ ފާޑުކިޔުންތަކަށް ރައްދު ދެއްވަމުން، އެމްޑީޕީގެ ގައުމީ މަޖިލީހުގެ ވަޓްސްއެޕް ގްރޫޕުގައި ރައީސް ނަޝީދު ވިދާޅުވީ، އެމަނިކުފާނު ދެކެވަޑައިގަންނަވާ ގޮތުގައި މިއީ ރާއްޖެއަށް ނުހަނު ފައިދާހުރި ރަނގަޅު މަޝްރޫއެއް ކަމަށެވެ.

އަލައްބާރާއި ޔަހޫދީންނާ ގުޅުވަންޖެހޭ އެއްވެސް ސަބަބެއް ނެތް. އަލައްބާރަކީ ޔޫއޭއީ ބިނާކުރުމުގައި އެންމެ އިސް ދައުރެއް އަދާކުރެއްވި އެއް ބޭފުޅާ. އޭނާގެ އިސްރާއީލު ރަހުމަތްތެރިން ތިބެދާނެ، އެހެން ނަމަވެސް އޭނާއަކީ ޔަހޫދީންގެ މަސްލަހަތު ކުރިއަރުވާ މީހެއް ނޫން،

ނަޝީދު ވިދާޅުވީ އެމްޑީޕީން އެފަދަ ހަނި ވިސްނުމެއް ގެންގުޅެފިނަމަ، އޭގެ ގެއްލުން ކުރިމަތިވާނީ ސީދާ ޕާޓީއަށެވެ. އަދި އަލައްބާރު ދަންނަ ޔަހޫދީން ތިބި ނަމަވެސް، އޭނާގެ މުޅި އަމާޒަކީ ޔަހޫދީން ކުރިއެރުވުން ކަމަށް ބުނެ ވާހަކަދެއްކުމަކީ ވަރަށް ހުތުރު އަދި ދަށު ދަރަޖައިގެ ކަމެއްގެ ގޮތުގައި ނަޝީދު ސިފަކުރެއްވިއެވެ.

ރައީސް ނަޝީދުގެ މި ވާހަކަފުޅުތަކާ ގުޅިގެން، އެމްޑީޕީގެ ގައުމީ މަޖިލީހުގެ މެންބަރު އަދި ގާނޫނީ ވަކީލު މަހުފޫޒު ސައީދު ވަނީ، އީގަލް ހިލްސްގެ މަޝްރޫއާ ދެކޮޅަށް ޕާޓީގެ ރައްޔިތުންގެ މަޖިލިސް މެންބަރުންނާއި އާންމު މެންބަރުން އަޑުއުފުލައި ހަރަކާތްތެރިވާނެ ކަމަށް ވިދާޅުވެފައެވެ. އަދި މިކަމާ ގުޅިގެން އެއްވެސް މެންބަރަކަށް ފިޔަވަޅު ނޭޅޭނެ ކަމަށާއި، އެ ވާހަކަ ދެއްކުން ހުއްޓާލުމަށް ވެސް މަހުފޫޒު ވަނީ ގޮވާލައްވާފައެވެ.

މީގެ ކުރިން ވެސް ރައީސް ނަޝީދު ވަނީ އެ މަޝްރޫއަށް ތާއީދުކުރައްވާކަން ހާމަކުރައްވާފައެވެ. އެމަނިކުފާނު ވިދާޅުވެފައިވަނީ، މި މަޝްރޫއާ ގުޅުވައިގެން އަލައްބާރަށް ފުރައްސާރަކުރުމަކީ ރާއްޖެއަށް ނުރައްކާތެރި ގެއްލުންތަކެއް ލިބިދާނެ ކަމެއް ކަމަށާއި، އޭގެ ސަބަބުން ރާއްޖޭގައި މިހާރު ހުރި ޔުނައިޓެޑް އަރަބް އެމިރޭޓްސް (ޔޫއޭއީ) ގެ އިންވެސްޓްމަންޓްތަކަށް ވެސް ހުރަސްއެޅިގެން ހިނގައިދާނެ ކަމަށެވެ.

މީގެއިތުރުން، އެމްޑީޕީގެ އަސާސީ ސިޔާސަތުތަކާ ޚިލާފަށް ޕާޓީގެ މެންބަރުން ވާހަކަ ނުދެއްކެވުމަށް ނަޝީދު އިލްތިމާސްކުރެއްވިއެވެ. އެގޮތުން، ރައްޔިތުންގެ މަޖިލީހުގެ މެދު ހެންވޭރު ދާއިރާގެ ކުރީގެ މެންބަރު އަލީ އާޒިމް ޕާޓީން ވަކިކުރަން ޖެހުނީ ވެސް ޕާޓީގެ ސިޔާސަތުތަކާ ދެކޮޅަށް މަސައްކަތް ކުރެއްވުމުންކަން އެމަނިކުފާނު ހަނދާންކޮށްދެއްވިއެވެ. އަދި އީގަލް ހިލްސްގެ މަޝްރޫއު ރާއްޖޭގައި ހިންގުމަކީ މައްސަލައެއް ކަމަށް ދެކެވަޑައިނުގަންނަވާ ކަމަށާއި، އެމަނިކުފާނުގެ ކަންބޮޑުވުމަކީ ހަމައެކަނި މާލެ ސަރަހައްދުގައި އެ މަޝްރޫއު ކުރިއަށްގެންދިއުން ކަމަށް ވެސް ނަޝީދު ކުރިން ވިދާޅުވެފައިވެއެވެ.

ރަސްމާލެ މަޝްރޫއާ ގުޅިގެން އެމްޑީޕީން މީގެކުރިން ނެރުނު ބަޔާނެއްގައި ބަޔާންކޮށްފައިވަނީ، އެ ޕާޓީން އަބަދުވެސް ބޭރުގެ އިންވެސްޓަރުންނަށް މަރުހަބާ ކިޔާ ކަމަށެވެ. އަދި ރާއްޖޭގެ އިގްތިސާދު ކުރިއެރުވުމަށްޓަކައި ޕްރައިވެޓް ސެކްޓަރ ފުޅާކޮށް، ހަރުދަނާ އުސޫލުތަކުގެ މަތިން މިނިވަން ވިޔަފާރީގެ ފުރުސަތުތައް ފަހިކޮށްދިނުމަކީ އެ ޕާޓީން އަބަދުވެސް ތަރުހީބުދޭ ކަމެއް ކަމަށް އެ ބަޔާނުގައި ފާހަގަކޮށްފައިވެއެވެ.

މި ލިޔުން ކަމުދިޔަނަމަ، ލައިކެއް ދެއްވާ

ކޮމެންޓް ކުރޭ

ކޮމެންޓްތައް މޮޑަރޭޓް ކުރެވޭނެއެވެ.

ކޮމެންޓްސް (1)

މޫސާރަޝީދު 3 weeks ago

ހުރިހައި ކަމަކާއި ބެހޭދޯ !!!!!

ގުޅޭ ލިޔުންތައް

ރަސްމާލެ މަޝްރޫޢު އީގަލް ހިލްސްއަށް ދިނުން ހުއްޓާލުމަކީ ދައުލަތުގެ ޝަރުޢީ ޒިންމާއެއް: ޢިލްމުވެރިންގެ ގުޅުން
19 Nov 2026 ހަބަރު

ރަސްމާލެ މަޝްރޫޢު އީގަލް ހިލްސްއަށް ދިނުން ހުއްޓާލުމަކީ ދައުލަތުގެ ޝަރުޢީ ޒިންމާއެއް: ޢިލްމުވެރިންގެ ގުޅުން

ރަސްމާލޭގައި "މޯލްޑިވްސް ވޯޓަރފްރަންޓް އެންޑް މެރީނާ" މަޝްރޫޢު ތަރައްޤީކުރުމަށް އަބޫދާބީގެ އީގަލް ހިލްސް ކުންފުންޏާއެކު ވެފައިވާ އެއްބަސްވުން ކުރިއަށް ނުގެންގޮސް، ފައިނަލް އެއްބަސްވުމުގައި ސޮއިނުކޮށް އެ މަޝްރޫޢު މިހާރުން މިހާރަށް ހުއްޓާލުމަކީ ދައުލަތުގެ ޝަރުޢީ ޒިންމާއެއް ކަމަށް ދިވެހިރާއްޖޭގެ ޢިލްމުވެރިންގެ ގުޅުމުން ބުނެފިއެވެ.

ރާއްޖެއާ ފްރާންސުން އެލްއޯއައިއެއްގައި ސޮއިކޮށްފި
18 Nov 2026 ހަބަރު

ރާއްޖެއާ ފްރާންސުން އެލްއޯއައިއެއްގައި ސޮއިކޮށްފި

ދިވެހި ސަރުކާރާއި ފަރަންސޭސިވިލާތު ސަރުކާރާ ދެމެދު "ލެޓަރ އޮފް އިންޓެންޓް އޮން ދަ އެސްޓެބްލިޝްމެންޓް އޮފް ޕޮލިޓިކަލް ކޮންސަލްޓޭޝަންސް" ގައި މިއަދު ސޮއިކޮށްފި އެވެ. 

ތިން މަނީޗޭންޖަރެއް ޖޫރިމަނާކޮށް ލައިސަންސް ބާތިލްކޮށްފި
18 Nov 2026 ހަބަރު

ތިން މަނީޗޭންޖަރެއް ޖޫރިމަނާކޮށް ލައިސަންސް ބާތިލްކޮށްފި

ލައިސަންސް ބާތިލްކުރީ އެލް.ވީ.އާރު އިންވެސްޓްމަންޓް ޕްރައިވެޓް ލިމިޓެޑް، މައިޒޯން އެކްސްޗޭންޖް ޕްރައިވެޓް ލިމިޓެޑް އަދި މޭޑް މަނީ އެކްސްޗޭންޖް ޕްރައިވެޓް ލިމިޓެޑުގެ ކަމަށް އެ އިދާރާގެ ނޫސް ބަޔާނުގައި ބުނެފައިވެއެވެ.

ހުޅުމާލެ ސަރަހައްދުގެ ޓޯ ކެޕޭސިޓީ އިތުރުކުރަން ފުލުހުން ފޯކް ލިފްޓެއް ހޯދަނީ
18 Nov 2026 ހަބަރު

ހުޅުމާލެ ސަރަހައްދުގެ ޓޯ ކެޕޭސިޓީ އިތުރުކުރަން ފުލުހުން ފޯކް ލިފްޓެއް ހޯދަނީ

ހުޅުމާލޭގައި ފުލުހުން ޓޯ ކެޕޭސިޓީ އިތުރުކުރުމުގެ މަސައްކަތް ފަށާފައިމިވަނީ މަގުތައްމަތީގައި ނުގަވައިދުން ޕާކްކުރުމުގެ މައްސަލަ އިންތިހާއަށް ބޮޑުވެ، ރައްޔިތުންގެ ޝަކުވާވެސް ބޮޑުވެފައި ވަނިކޮށެވެ.

ކުރިއެރުމަށް އޮތް މަގަކީ ބޭރުގެ އިންވެސްޓްމަންޓްތައް ގެނައުން: ނަޝީދު
15 Nov 2026 ހަބަރު

ކުރިއެރުމަށް އޮތް މަގަކީ ބޭރުގެ އިންވެސްޓްމަންޓްތައް ގެނައުން: ނަޝީދު

ރައީސް ނަޝީދު މިހެން ވިދާޅުވެފައިވަނި، އެމަނިކުފާނު މިއަދު އެކްސްގައި ކުރެއްވި ޕޯސްޓެއްގައެވެ. އެގޮތުން ރައީސް ނަޝީދު ވަނީ، ފޮރިން ޑައިރެކްޓް އިންވެސްޓްމަންޓް (އެފްޑީއައި) ތަރައްގީވަމުން އަންނަ ގައުމުތަކަށް މުހިންމުވާ ގޮތާއި، އެކަމުގައި ކާމިޔާބު ހޯދާފައިވާ ގައުމުތަކުގެ މިސާލުތަކުގެ މައްޗަށް އަލިއަޅުވާލައްވާފައެވެ.

ހުއްދަ ދީފައިވާ ތަންތަން ފިޔަވައި އެހެން ތަންތަނަށް އެއްނުވުމަށް ފުލުހުން އަންގައިފި
13 Nov 2026 ހަބަރު

ހުއްދަ ދީފައިވާ ތަންތަން ފިޔަވައި އެހެން ތަންތަނަށް އެއްނުވުމަށް ފުލުހުން އަންގައިފި

ކުރިން އެންގުމަކާ ނުލައި އެއްވުމަށް ހުއްދަ ދީފައިވާ ތަންތަން ފިޔަވައި އެހެން ތަންތަނަށް އެއްނުވުމަށާއި، ގާނޫނީ އިމުގެ ތެރޭގައި އެއްވުންތައް ބޭއްވުމަށް ދިވެހި ފުލުހުންގެ ޚިދުމަތުން އަންގައިފިއެވެ.

ރިއަލް އެސްޓޭޓް މަޝްރޫޢުތައް އަމާޒުކުރަންވާނީ ބޭރު މީހުން ދިގު މުއްދަތަށް ވަޒަންވެރިވުމުގެ ބަދަލުގައި "ހޮލިޑޭ ހޯމްސް" އަށް: އަދާލަތު ޕާޓީ
11 Nov 2026 ހަބަރު

ރިއަލް އެސްޓޭޓް މަޝްރޫޢުތައް އަމާޒުކުރަންވާނީ ބޭރު މީހުން ދިގު މުއްދަތަށް ވަޒަންވެރިވުމުގެ ބަދަލުގައި "ހޮލިޑޭ ހޯމްސް" އަށް: އަދާލަތު ޕާޓީ

ދިވެހިރާއްޖޭގައި ބޭރުގެ ފަރާތްތައް ދިގު މުއްދަތަކަށް ދިރިއުޅޭ ވަކި ޚާއްޞަ ސަރަޙައްދުތަކެއް އުފެއްދުމުގެ ބަދަލުގައި، އިންޓަރނޭޝަނަލް ރިއަލް އެސްޓޭޓް މަޝްރޫޢުތައް އަމާޒުކުރަންވާނީ ޗުއްޓީ ހޭދަކުރުމަށް ބޭނުންކުރާ "ހޮލިޑޭ ހޯމްސް" ފަދަ ވަސީލަތްތައް ތަރައްޤީކުރުމަށް ކަމަށް ޢަދާލަތު ޕާޓީން ބުނެފިއެވެ.

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު
10 Nov 2026 ހަބަރު

ވަޒީފާ ބަހައިގެން ރައީސް ޞާލިޙަކަށް ވެސް ކާމިޔާބެއް ނުވި، މި ސަރުކާރަކަށް ވެސް ނުވާނެ: ނަޝީދު

ވަޒީފާތައް ބަހައިގެން ސިޔާސީ މަންފާއެއް ނުހޯދޭނެ ކަމަށާއި، 2023 ވަނަ އަހަރުގެ ރިޔާސީ އިންތިޚާބުގައި ކުރީގެ ރައީސް އިބްރާހީމް މުޙައްމަދު ޞާލިޙަށް ވެސް އަދި މިހާރުގެ ސަރުކާރަށް ވެސް އެކަން ކާމިޔާބު ނުވާނެ ކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ.