ހަނގުރާމަވެރިން ރަހީނުކުރި އަންހެންމީހާ ދޫކޮށްލުމުން އެމީހުންނާއި ސަލާންކުރީ ކީއްވެ؟

ފަލަސްޠީނުގެ ހަނގުރާމަވެރި ޖަމާޢަތަކުން ރަޙީނުކުރި، އިޒްރާއިލްގެ ޔަހޫދީ އަންހެނަކު އޭނާ މިނިވަން ކުރުމުން އަނބުރާ ޢާއިލާގެ ގާތައް ދިޔުމުގެ ކުރިން ހަނގުރާމަވެރިންނާއި ސަލާން ކުރި ސަބަބު މީޑިއާތަކަށް ކިޔައި ދީފިއެވެ.

ހަނގުރާމަވެރިން ރަހީނު ކުރުމަށް ފަހު ދޫކޮށްލުމުން މީޑީއާ އަކުން ވަނީ އެމީހުންނާއި ވަކިވެގެން އަންނަމުން ހަނގުރާމަވެރިންނާއި އޭނާ ސަލާމް ކުރި ސަބަބާއި މެދު ސުވާލު ކޮށްފައެވެ.

އޭނާ ބުނެފައިވަނީ އެމީހުންނާއި ވަކިވެގެން އައުމުގެ ކުރިން އެމީހުންނާއި ސަލާން ކުރީ ހަނގުރާމަވެރިން އެމީހުންނާއި މެދު ހެޔޮކޮށް ކަންކަންކޮށްފައި ވާތީ ކަމަށެވެ.

މީޑިއާ ތަކާއި ވާހަކަ ދައްކަމުން ޔޮކަވެދް ބުނެފައިވަނީ ހަނގުރާމަވެރިން އެމީހުންނާއި މެދު ކަންކޮށްފައިވަނީ ވަރަށް ހެޔޮކޮށް ކަމަށެވެ.

“އެމީހުން ބުނީ އަހަރެމެންނަކީ ކީރިތި ޤުރުއާން ޤަބޫލް ކުރާ މީހުން ކަމަށް، އަދި އެމީހުން އަަހަރެމެންނަށް އެއްވެސް ގެއްލުމެއް ނުދޭނެކަަމަށް” ޔޮކަވެދް ބުނެފައިވެއެވެ.

ޔޮކަވެދް ބުނީ ހަނގުރާމަވެރިން އެމީހުންނަށް ކާން ދެނީ އެމީހުންވެސް ކާއެއްޗެއް ކަމަށާއި، އެމީހުންގެ ބޭނުންތައް ފުއްދައިދިނުމަށް ޚާއްސަ ސަމާލުކަމެއް އެމީހުން ދިން ކަމަށެވެ.

“ކޮންމެ ދެތިން ދުވަހަކުން ޑޮކްޓަރަކު އަންނާނެ އަހަރެމެންގެ ސިއްޚީ ހާލަތު ބަލަން، އެތަނުގައި އަވަސްފަރުވާ ދޭނެ މީހަކުވެސް ހުރޭ، ބޭނުންވެއްޖެ ހާލަތެއްގައި ބޭސް ދޭން” ޔޮކަވެދް ބުނެފައިވެއެވެ.

ހުޅަނގުގެ މީޑިއާތަކުން ހަނގުރާމަވެރިން ރަހީނުންނަށް ގެއްލުން ދޭ ކަމަށް ބުނެ ފަތުރަމުންދާ ވާހަކަތަކަކީ ދޮގެއްކަން ޔޮކަވެދް ގެ ވާހަކަތަކުން ވަނީ ސާބިތުވެފައެވެ.

ފަލަސްޠީނުގެ މިނިވަންކަމަށްޓަކައި ހަނގުރާމަ ކުރަމުންދާ ހަނގުރާމަވެރިންގެ ބެލުމުގެ ދަށުގައި އަދިވެސް ގިނަ ޢަދަދެއްގެ ޔަހޫދީން އެބަތިއްބެވެ.