ކަށިން ހިތްވަރު ނެރެގެން މަސައްކަތް ކުރަންވީ، ރައީސް ޞާލިޙް ކާމިޔާބު ކުރައްވާނެ: އިއާދް
ކަށިން ހިތްވަރުގެ ނެރެގެން މަސައްކަތް ކުރަންވީ ކަމަށާއި ރައީސް އިބްރާހިމް މުޙައްމަދު ޞާލިޙް އިންތިޚާބު ކާމިޔާބު ކުރައްވާނެ ކަމަށް އިކޮނޮމިކް މިނިސްޓްރީގެ ސްޓޭޓް މިނިސްޓަރ އަދި ޢަދާލަތު ޕާޓީގެ ނައިބު ރައީސް މުޙައްމަދު އިއާދު ޙަމީދު ވިދާޅުވެއްޖެއެވެ.
އިއާދް މިހެން ވިދާޅުވީ އޭނާ ކުރެއްވެވި ޓްވީޓެއްގައެވެ.
އިއާދް ވިދާޅުވީ ކާމިޔާބަކީ މާތް الله ދެއްވާ އެއްޗެއް ކަމަށާއި، އިންތިޚާބުގެ ފުރަތަމަ ބުރުގައި 56,000 އަށްވުރެ ގިނަ ފަރާތުން ވޯޓު ނުލާކަމަށެވެ.
އަދި ދެވަނަ ބުރުގައި 38 ހާހައްވުރެ ގިނަ މީހުން ވޯޓު ލުމަށް ރަޖިސްޓަރ ކޮށްފައިވާކަމަށް އިއާދް ވިދާޅުވެފައިވެއެވެ.
" ކަށިން ހިތްވަރު ނެރެގެން މަސައްކަތްކުރަންވީ، މި އިންތިޚާބު ރައީސް ޞާލިޙް ކާމިޔާބުކުރައްވާނެ އިންޝާ الله" އިއާދް ވިދާޅުވެފައިވެއެވެ.
އިންތިޚާބުގެ ދެވަން ބުރުގެ ވޯޓުލުން މިއަންނަ ހޮނިހިރު ދުވަހު އޮންނައިރު އިންތިޚާބުގެ ފުރަތަމަ ބުރުގައި އެހެން ކެންޑިޑޭޓުންނަށް ތާއީދު ކުރި ގިނަ ބަޔަކު އިދިކޮޅު ކެންޑިޑޭޓް ޑރ މުޙައްމަދު މުޢިއްޒަށް ތާއީދު ކުރުމަށް ދަނީ ނިންމަމުންނެވެ.
މީގެ އިތުރުން ކުރިން އެމްޑީޕީ ކޯލިޝަންގައި ޢަދާލަތާއި އެކު އޮތް އެމްޑީއޭ އިން ވަނީ ކޯލިޝަން ރޫޅައިލައިފައެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
