އައްޑޫގައި ޑޮލަރު އޭޓީއެމް އެއް ގާއިމްކުރުމަށް ރައީސް ވައުދުވެޑައިގެންފި
ވެރިރަށް މާލެ އެކޭ އެއް ފަދައިން އައްޑޫގައިވެެސް ފަސޭހައިން ޑޮލަރު ލިބޭނެ އިންތިޒާމު ހަމަޖައްސައި ދިނުމަށް ރައްޔިތުން އެދެމުންދާތީ، އައްޑޫގައި ޑޮލަރު އޭޓީއެމްގެ ހިދުމަތް ގާއިމުކޮށްދެއްވާނެ ކަމަށް ރައީސް އިބްރާހިމް މުހައްމަދު ސޯލިހު މިއަދު ވިދާޅުވެއްޖެއެވެ.
ރިޔާސީ އިންތިހާބުގެ ދެވަނަބުރުގެ ކެމްޕެއިންގައި މިއަދު އައްޑޫއަށް ކުރައްވަމުން ގެންދަވާ ކެމްޕޭނު ދަތުރުފުޅުގައި ރައީސްގެ ރަނިންމޭޓު ނިސްބަތްވާ ހިތަދޫގައި ބޭއްވި ކެމްޕެއިން ހަރަކާތެއްގައި ވާހަކަ ދައްކަވަމުން އެމަނިކުފާނު ވިދާޅުވީ އައްޑޫގައި ފަސޭހައިން ޑޮލަރު ލިބޭނެ އިންތިޒާމު ހަމަޖައްސައި ދިނުމަށް ރައްޔިތުންގެ ފަރާތުން އެ ސިޓީގެ މޭޔަރު ވެސް އެދިވަޑައިގެންނެވި ކަމަށެވެ.
އައްޑޫ ސިޓީން ޑޮލަރު ނެގޭނެ އެޓީއެމްގެ ހިދުމަތް ބީއެމްއެލް އާ އެކު މަޝްވަރާކޮށްގެން އިރާދަކުރެއްވިއްޔާ ހަމަޖައްސައިދޭ ނަން
ރައީސް އިބްރާހިމް މުހައްމަދު ޞާލިހް
މިއަދުގެ ޖަލްސާގައި ރައީސް ޞާލިޙް ވަނީ އެމަނިކުފާނުގެ ކުރިއަށް އޮތް ދައުރުގައި ޑޮލަރުގެ މައްސަލަޔަކަށްވެސް ހައްލު ގެންނަވާނެ ދެ ގޮތް ވިދާޅުވެފައެވެ.
ރައީސް ވިދާޅުވީ އެއްގޮތަކީ، ރާއްޖެ ވަންނަ ޑޮލަރުގެ 30 ޕަސެންޓް ރާއްޖޭގައި ހިފެހެއްޓުމެވެ. އަނެއް ގޮތަކީ ރާއްޖޭގައި ކުރާ ހުރިހާ މުއާމަލާތެއް ދިވެހި ފައިސާ އިން ކުރުން ކަމަށެވެ.
މި ލިޔުން ކަމުދިޔަނަމަ، ލައިކެއް ދެއްވާ
ކޮމެންޓް ކުރޭ
ކޮމެންޓްސް
މިހާތަނަށް ކޮމެންޓެއް ނެތް
