އިޒްރާއިލްގެ ހަމަލާއެއް އިންދޮނީސީ ހޮސްޕިޓަލަށް

ފަލަސްޠީނުގެ ޣައްޒާގެ ހޮސްޕިޓަލެއް ކަމަށްވާ އިންދޮނީސީ ހޮސްޕިޓަލަށް އިޒްރާއިލުން ހަމަލާއެއް ދީފިއެވެ.

އިޒްރާއިލުން ރޭ ޣައްޒާއަށް އާދަޔާ ޚިލާފަށް ނުރައްކާތެރި ހަމަލާތަކެއް ދިން އިރު، އިންދޮނީސީ ހޮސްޕިޓަލަށް ދިން ހަމަލާ އަރަފައިވަނީ އެހޮސްޕިޓަލުގެ ގޯތިތެރެޔަށެވެ.

މިހަމަލާގައި އެއްވެސް މީހަކު ޝަހީދުވެ އެއްވެސް މީހަކަށް އަނިޔާއެއް ވެފައެއް ނުވެއެވެ.

އިންދިނީސީ ހޮސްޕިޓަލަކީ އަނިޔާވެފައިވާ އެތައް ބަޔަކު ފަރުވާ ހޯދަމުންދާ އަދި ގެދޮރު ގެއްލިފައިވާ އެތައްބަޔަކު ބޯހިޔާ ވަހިކަން ހޯދަމުން އަންނަ ތަނެކެވެ.

ރޭ އިޒްރާއިލުން ޣައްޒާއަށް ދިން ހަމަލާތަކުގެ ސަބަބުން ޣަައްޒާގެ މުވާސަލާތީ ގުޅުން މުޅިން ކަހަލަ ގޮތަކަށް ވަނީ ކެނޑިފައެވެ.

ރޭ އިޒްރާއިލުން ދިން ހަމަލާތަކުގެ ސަބަބުން މުވާސަލާތީ ޚިދްމަތްތަކަށް ބުރުއަރައި ހަމަލާތަކުގައި އަނިޔާވި މީހުންނާއި ހަމައަށް ވާސިލްގެ އެމީހުންނަށް އަވަސް ފަރުވާ ދިނުމަށް ދަތިވެފައިވާ ކަމަށް ފަލަސްޠީނުގެ ޕެރަމެޑިކުން ވަނީ ބުނެފައެވެ.

އިޒްރާއިލުން ރޭ ޣައްޒާއަށް ދިން ހަމަލާތަކުގެ އިޙްސާސްތައް މިޞްރުގެ އާރިޝް ސްޓޭޓަށް ކުރެވިފައިވާ ކަމަށް އެސްޓޭޓުގެ މީހަކު ސޯޝަލް މީޑީއާގައި ބުނެފައިވެއެވެ. އާރިޝް އަކީ ޣައްޒާއާއި 80ކިލޯ މީޓަރު ދުރުގައި އޮންނަ ސްޓޭޓެކެވެ.

ރޭގެ ހަމަލާތަކުގައި އިޒްރާއިލުން ފޮސްފަރެސްގެ އިތިުރުން ބައިނަލް އަޤްވާމީ މުވާހަދާ ތަކުން މަނާ ކޮށްފައިވާ އެހެނިހެން މަނާ ހަތިޔާރުތައް ވެސް ބޭނުން ކޮށްފައިވާ ކަމަށް ކަމަށް ޤުދްސް ނެޓްވޯކުން ވަނީ ބުނެފައެވެ.